BolgeXeber.Com » Gündəm » Bakıda gəmi partladı: 6 yaralı

Bakıda gəmi partladı: 6 yaralı

15-02-2011, 01:25

Oxunub: 6 716

Fevralın 14-də saat 23 radələrində Bakı buxtasında təmirə dayanmış gəmidə partlayış baş verib.

Hadisə şahidlərinin verdiyi məlumata görə, 6-cı mədən yaşayış massivində təmirə dayanmış “Hüseyn Abdullayev” yük gəmisində qaynaq işləri zamanı qaz sızması səbəbindən partlayış olub.

Hadisə nəticəsində 6 nəfər yaralanıb. Onlardan 3 nəfəri ağır yanıq xəsarətləri alıb. Gəmidəki fəhlələrdən 2 nəfər (Rafiq Qarayev və atası Yurka Qarayev) partlayış zərbəsindən ağır travma alıblar. Daha 1 nəfər isə müxtəlif xəsarətlərlə ağır vəziyyətdə reanimasiyaya yerləşdirilib. Hadisə yerinə yanğınsöndürən və təcili tibbi yardım maşınları cəlb olunub. Yaralılar dərhal xəstəxanaya çatdırılıblar.

Şahidlər Bolgexeber.com-a bildiriblər ki, Azərbaycan Dövlət Dəniz Administrasiyasının rəhbəri Aydın Bəşirov hadisə yerindədir.

Partlayışın nəticələrinin aradan qaldırılması üçün zəruri tədbirlər görülür.

Çox Oxunanlar