BolgeXeber.Com » Gündəm » Şirvanın hərbi komissarı yığdığı pulları Arzu Rəhimova verir?

Şirvanın hərbi komissarı yığdığı pulları Arzu Rəhimova verir?

18-12-2012, 03:55

Oxunub: 3 963

Tacəddin müəllim xidmət rəisinin adından istifadə edərək, gəncləri ordudan yayındırmaqdadır

Dövlət Hərbi Səfərbərlik və Çağırış Xidmətinin Şirvan şəhəri üzrə şöbəsinin rəis əvəzi Tacəddin müəllimdən davamlı olaraq şikayətlər daxil olur. Bolgexeber.com-a müraciət edən şəhər sakinləri bildirirlər ki, əvvəllər sözügedən qurumda işləyən və sonradan rəis əvəzi olmuş Tacəddin müəllim bütün diqqətini pul yığmağa yönəldib.
Məlumatı verən şəxslər bidirirlər ki, köhnə hərbi komissarın vaxtında hərbi bilet və ya ordudan təxisi olunmaq üçün tələb olunan «haqqın» miqdarı 5000 dollar idisə, Tacəddin müəllim bu məbləği 6000 manata qədər artırıb. Maraqlı məqam odur ki, bu addımı atarkən onluq bir şey olmadığını bildirir. Və deyir ki, yığdığı pulların hamısını xidmətin rəisi Arzu Rəhimova verir.
Şirvanlılar qeyd edirlər ki, «müştəri»nin tapılması prosesini isə komissarlığın işçiləri və onların yaxınları həyata keçirirlər. Bundan başqa, ortada dəllallar da var ki, onlar da uşağını ordudan saxlamaq istəyənlərlə Tacəddin müəllim arasında vasitəçilik missiyasını həyata keçirirlər. Bu zaman alınan pulun kiçik bir miqdarı isə dəllallara çatır.

Çox Oxunanlar