BolgeXeber.Com » Gündəm » Elşad Abdullayevə cinayət işi açılır?-EKSKLÜZİV

Elşad Abdullayevə cinayət işi açılır?-EKSKLÜZİV

20-12-2012, 12:05
Oxunub: 3 978 Gündəmi bir birinə vuran ABU-nun rektoruna qarşı rüşvət və korrupsiya ittihamları irəli sürüləcək

Son günlər ABU-nun sabiq rektoru Elşad Abdullayev yaydığı qalmaqallı videogörüntülərdən sonra «qəhrəman»a çevrilib. Deputat Gülər Əhmədovanı deputatlıqdan məhrum edən və daha bir neçə nəfərin həbsinə nail olan Abdullayevin əsas hədəfi isə Prezident Admnistrasiyasının rəhbəri Ramiz Mehdiyevdir.
TİA.AZ-a daxil olan məlumata görə, yayılan videogörüntülər artıq hakimiyyət dairələri üçün ciddi problemə çevrilməyə başlayıb. Bunun qarşısını almaq üçün Fransaya göndərilmiş «elçilər»in əliboş qayıtmasından sonra rəsmi dairələr başqa bir addım atmaq qərarına gəliblər. Etibarlı mənbələrin bilgilərinə görə, yaxın vaxtlarda Elşad Abdullayev barəsində də cinayət işi qaldırılacaq. Ona qarşı irəli sürülən ittihamlar isə ABU-nun rektoru olduğu vaxt korrupsiya və rüşvət əməllərini əhatə etməlidir. Mənbə iddia edir ki, hətta cinayət işi qaldırıldıqdan sonra rəsmi Bakı Fransadan keçmiş rektorun Bakıya təhvil verilməsini istəyəcək. Və bunu da haqqında qaldırılmış cinayət işi ilə yanaşı, həm də onun qardaşının oğurlanması məsələsini araşdırmaq üçün lazım gəldiyini qeyd edəcək.
Məlumata görə, proses gələn ilin əvvəlindən start götürəcək. Bununla bağlı hazırlıq işləri isə başlayıb. Bəzi bilgilərə görə, artıq ABU-da oxumuş tələbələrin siyahısı hazırlanır və onların əksəriyyətindən Elşad Abdullayevə rüşvət vermələrinə dair izahat alınacaq.