BolgeXeber.Com » Gündəm » Zakir Qaralova qarşı şok iddia

Zakir Qaralova qarşı şok iddia

23-02-2011, 16:00

Oxunub: 7 058

Patsientlərin Hüquqlarının Müdafiə Mərkəzinin sədri İlqar İbrahimov mətbuat nümayəndələri ilə görüş keçirib.

Bolgexeber.com-un məlumatına görə, İlqar İbrahimov Mərkəzi Neftçilər Xəstəxanasında şöbə müdiri işləmiş Kənan Yusifzadənin bu yaxınlarda Dövlət Sərhəd Xidmətinin mərkəzi hospitalına rəis təyin olunmasına fikir bildirib: “Kənan Yusifzadə Mərkəzi Neftçilər Xəstəxanasında şöbə müdiri işləyən zaman Bakı şəhər sakini Şura İbrahimovanı düzgün əməliyyat etmədiyinə görə xəstə qısa müddətdən sonra dünyasını dəyişmişdi. Şura İbrahimovanın övladları tərəfindən respublika prokurorluğuna bu faktla bağlı dəfələrlə şikayət edilsə də iş bu günə qədər araşdırılmayıb”.

Mərhumun övladı İlqar İbrahimov Kənan Yusifzadəni bir başa respublikanın baş prokuroru Zakir Qaralovun himayə etdiyini bildirib: “O nəinki anamızın ölümünə səbəb olub, həm də əməlini ört-basdır etmək üçün anama yeni müalicələr təklif etməklə bizi külli miqdarda xərcə salıb. Mülki insanların ölümünə bais olan şəxsi hərbi hospitala rəis təyin etməklə Azərbaycan əsgərinin də həyatını təhlükəyə atırlar”.

İ. İbrahimov Baş Prokuror Zakir Qaralovun həmin həkimi himayə etdiyi üçün ona qarşı cinayət işinin açılması tələbi ilə çıxış edib: “Məruzə edirəm ki, bu məsələ ilə maraqlansınlar və ədalətin qələbəsinə yardımçı olsunlar”.

Çox Oxunanlar