BolgeXeber.Com » Gündəm » Əhəd Abiyev icra başçisi təyin edildi

Əhəd Abiyev icra başçisi təyin edildi

23-02-2011, 22:55

Oxunub: 5 930

Keçmiş deputat prezident İlham Əliyevlə görüşüb

Azərbaycan Respublikası Prezidenti İlham Əliyevin sərəncamı ilə sabiq deputat Əhəd Abıyev Daşkəsən rayonu İcra hakimiyyətinin başçısı təyin edilib. Sabiq millət vəkili deyib ki, bu gün prezident İlham Əliyevlə görüşüb, ondan tapşırıq və göstərişlər alıb. Ə.Abıyev deyib ki, yeni iş yerində can-başla fəaliyyət göstərəcək, dövlət başçısının etimadını doğrultmağa çalışacaq.
Abıyev Əhəd Mikayıl oğlu 1958-ci il yanvarın 15-də Masallı şəhərində anadan olub. Azərbaycan Xalq Təsərrüfatı İnstitutunun iqtisadiyyat və planlaşdırma fakültəsini və “Təfəkkür” Universitetinin hüquq fakültəsini bitirib.

1979-cu ildən Bakı şəhərində tikinti-quraşdırma idarəsinin ustası, mənzil-istismar sahəsinin texniki, “Azərittifaq”ın universal bazasının iqtisadçısı olub. 1984–1995-ci illərdə Bakı Şəhər İcraiyyə Komitəsində inspektor, iqtisadçı, şöbə müdiri vəzifələrində çalışıb.

Yeni Azərbaycan Partiyasının üzvüdür. Birinci və ikinci və üçüncü çağırış Azərbaycan Respublikası Milli Məclisinin deputatı olub.

Sonuncu dəfə 2005-ci il noyabrın 6-da 70 saylı Masallı şəhər seçki dairəsindən deputat seçilmişdi.

Evlidir, 2 övladı var.

Çox Oxunanlar