BolgeXeber.Com » Gündəm » Lənkəranda 1 milyon manatlıq şok korrupsiya

Lənkəranda 1 milyon manatlıq şok korrupsiya

27-12-2012, 09:30

Oxunub: 5 107

İcra başçısı yerli maliyyə şöbəsinin müdiri ilə «böyük iş» görüb

Son zamanlar ayrı-ayrı rayon icra hakimiyyətlərinə ciddi məbləğdə vəsaitlər ayrılır ki, bu da təbii olaraq, bir sıra işbaz məmurların da yeyinti imkanlarını artırmış olur. Bu barədə Bolgexeber.com-a Lənkərandakı qaynaqlardan ötürülən informasiyalardan aydın olur ki, dövlət başçısının sərəncamı ilə 4 milyon manat pul ayrılan Lənkəran rayonunda da vəziyyət eyni qaydadadır.
Mötəbər mənbənin bildirdiyinə görə, rayon icra başçısı Taleh Qaraşov həmin vəsaitin böyük bir hissəsini yerli maliyyə şöbəsinin müdirinin usta fəaliyyəti nəticəsində şəxsi büdcəsinə ötürə bilib. Mənbənin söylədikləri: «Onsuz da ayrılan vəsaitin heç də hamısı rayona çatmayıb və böyük miqdarda pul hələ «yuxarıların» süzgəcində ilişib qalıb. Bu da azmış kimi icra başçısı yerli maliyyə şöbəsinin müdiri ilə əlbir olaraq təxminən 1 milyon manata yaxın vəsaiti - 946 min manat pulu mənimsəyib və həmin məbləğin xərclənmə ünvanları ilə bağlı dolaşıq sənədləşdirmə işi həyata keçirilib».
Məlumatı verən qaynaq bildirir ki, artıq bu məsələ o qədər ciddiləşib ki, hətta əlaqədar dövlət qurumlarının da diqqətindən yayınmayıb: «Konkret olaraq maliyyə nazirliyinin ekspertləri baş verən maxinasiyanı təsbit edə biliblər. Və bu məsələnin görməməzliyə vurulması üçün icra başçısı xərcət düşməli olub».
Bütün tərəflərin mövqeyini işıqlandırmağa hazırıq.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]