BolgeXeber.Com » Gündəm » Penitensiar Xitdmətinin işçiləri əməkdaşımızdan rüşvət istədi

Penitensiar Xitdmətinin işçiləri əməkdaşımızdan rüşvət istədi

18-01-2013, 14:50

Oxunub: 4 307

Yaxın qohumu ilə görüşmək istəyən Portalımızın işçisindən 30 manat tələb olunub

Ədliyyə Nazirliyi Penitensiar Xidmətində çalışanların məhbus ailələrindən rüşvət aldıqlarına dair dəfələrlə iddialar irəli sürülüb. Hər dəfəsində də xidmətin mətbuat xidmətinin rəhbərliyi bunu təkzib edib. Lakin bu dəfə təkzib üçün əsas da qalmayacaq. Çünki Penitensiar Xidmətin işçiləri bu gün Portalımızın əməkdaşından rüşvət istəyib.
Əməkdaşımız bildirir ki, bu gün Ağır Cinayətlərə Dair Məhkəmədə qohumunun keçirilən məhkəmə prosesinə qatılmaq üçün gedib. Orada məhkəmədən sonra yaxını ilə görüşmək istəyib. Bu zaman Penitensiar Xidmətin əməkdaşları ona yaxınlaşaraq, bu istəyini reallaşdırmaq üçün pul verməsinin zəruri olduğunu bildiriblər. Əməkdaşımızdan görüşə qatılacaq hər nəfər üçün 30 manat rüşvət istənilib. «Penitensiar Xidmətin əməkdaşları məni kənara çəkib dedilər ki, burada kamera çəkir və ona görə də, kənarda söhbət etməlidirlər. Sonra isə adambaşına 30 manat pul istədilər».

Çox Oxunanlar