Bizimlə əlaqə | Reklam
BolgeXeber.Com » Gündəm » Yay-qış vaxtına keçmək sağlamlığa təsir edir

Yay-qış vaxtına keçmək sağlamlığa təsir edir

14-02-2013, 05:45
Oxunub: 4 517 Saatın əqrəblərinin bir saat qabağa və ya geriyə çəkilməsi, başqa sözlə desək, yay-qış vaxtına keçid heç şübhəsiz həm sosial, həm iqtisadi, həm bioloji həyatımıza təsirsiz ötüşmür. Prosesin ilk növbədə insanların bioloji rejiminə təsir göstərdiyini bildirən həkimlər buna daha çox azyaşlıların və yaşlı nəslin nümayəndələrinin reaksiya verdiyini deyirlər. Körpələrdə yuxu və qida, ahıllarda isə təzyiq, ürəkağrıları müşahidə edilir. Yeni rejimə öyrəşmək bu insanlar üçün bir müddət çətin olur. Gənclərdə bu dəyişiklik imunitetin zəifləməsi, yuxu, sinir pozğunluğu ilə nəticələnir.
Saatın əqrəblərinin irəli-geri çəkilməsinin iqtisadi baxımdan da müsbət və mənfi tərəfləri var. Belə ki, yay vaxtına keçid, yəni havanın daha çox işıqlı olması enerjiyə qənaətə səbəb olur. Belə ki, ABŞ və Avropa Birliyi ölkələrində aparılan tədqiqatlar zamanı məlum olub ki, yay vaxtına keçid enerji sərfini azaldır. Böyük Britaniyada həmçinin yay vaxtına keçidin yol qəzalarının sayının azalmasına gətirib çıxardığı müəyyən olunub.
İqtisadçı ekspert Vüqar Bayramov yay vaxtına keçidin aqrar sektora mənfi, hava reyslərinə isə müsbət təsir göstərdiyini bildirib. Elə pərakəndə ticarətlə məşğul olanlar üçün də vaxt fərqini müsbət dəyərləndirmək olar.
16 ildir ki, ölkəmizdə yay-qış vaxtına keçilməsinə baxmayaraq artıq Gürcüstan, Rusiya kimi qonşu ölkələr bu vaxt dəyişikliyindən imtina ediblər.
ANSpress
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]