BolgeXeber.Com » Gündəm » Bu gün Elmar Hüseynov anılacaq

Bu gün Elmar Hüseynov anılacaq

2-03-2013, 09:35

Oxunub: 4 298

Bu gün jurnalist Elmar Hüseynovun qətlindən 8 il keçir. RATİ-dən verilən məlumata görə, saat 12-də KİV rəhbərləri jurnalistin İkinci Fəxri xiyabandakı məzarını ziyarət edəcəklər.
1967-ci ildə Bakıda anadan olan Elmar Hüseynov jurnalistikaya 1990-cı illərin əvvəllərində gəlib. Bir neçə rusdilli media quruluşunda çalışan jurnalist daha sonra “Monitor” jurnalını təsis edib. 2005-ci il martın 2-də Bakıda, yaşadığı evin blokunda odlu silahla qətlə yetirilib. İstintaq işini MTN aparır. Azərbaycanın hüquq-mühafizə orqanları qətldə şübhəli bilinən şəxslərdən ikisinin adını açıqlayıb: Gürcüstan vətəndaşları Teymuraz Əliyev və Tahir Xubanov. İndiyədək onlar tapılmayıb. Jurnalistin ölümündən bir il sonra onun həyat yoldaşı Ruşaniyə Hüseynova oğlu Aslanla birgə Norveçə mühacirət edib.

Çox Oxunanlar