Bizimlə əlaqə | Reklam
BolgeXeber.Com » Gündəm » “Canilər tapılmalı və onlardan hesab sorulmalıdır”

“Canilər tapılmalı və onlardan hesab sorulmalıdır”

24-04-2013, 18:15
Oxunub: 7 340 Qənimət Zahid: “İnzibati terror qurbanlarına qarşı açılmayan bütün cinayətlərin məsuliyyəti özünü vətəndaşların təhlükəsizliyinin qarantı elan edən şəxsin üzərindədir”

Məlum olduğu kimi, Bolgexeber.com saytının rəhbəri Vasif Turanın iki uşağı faciəli şəkildə dünyasını dəyişib. Qobu qəsəbəsində evinin yandırılması nəticəsində iki uşağını itirmiş baş redaktor hələ də cinayətkarların tapılaraq, cəzalandırlmamasını bildirir. Bununla bağlı mətbuat nümayəndələri və cəmiyyətin fəal kəsimi də mövqelərini açıqlamağa başlayıblar.
“Azadlıq” qəzetinin baş redaktoru Qənimət Zahid bildirib ki, hadisə dəhşət doğurucudur. “Bu, əməlli-başlı faciədir! Mən dəfələrlə vurğulamışam ki,Azərbaycan inzibati terrorun tüğyan etdiyi bir ölkədir. Bu terror ən ağır faciələri belə insanların gözündə adiləşdirməyə nail olmaq üzrədir. Hərçənd, uşaqların öldürülməsi cəmiyyət üçün adiləşməməli idi və buna qonşunun faciəsi kimi baxmaq da ən ağır cinayətlərdən biridir. Bu canilər tapılmalı və onlardan hesab sorulmalıdır. İndi bunu etmək mümkün deyilsə, nə zamansa hökmən edilməlidir. Və xüsusi olaraq vurğulayıram ki, inzibati terror qurbanlarına qarşı açılmayan bütün cinayətlərin məsuliyyəti özünü vətəndaşların təhlükəsizliyinin qarantı elan edən şəxsin üzərindədir”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]