Bizimlə əlaqə | Reklam
BolgeXeber.Com » Gündəm » Rusiyada azərbaycanlı iş adamının qatili tutuldu

Rusiyada azərbaycanlı iş adamının qatili tutuldu

27-04-2013, 09:55
Oxunub: 5 174 Bu ilin mart ayının 5-də Rusiya paytaxtında öldürülən azərbaycanlı iş adamı Adil Mahmudovun qatili tutulub. m üsavat.com-un Rusiya mətbuatına istinadən verdiyi məlumata görə, qatil aprelin 25-də Moskvanın Puşkinski rayonunda kirayə tutduğu evdə həbs edilib. Qətldə şübhəli bilinən şəxs 33 yaşlı soyadı açıqlanmayan Tengizdir. Milliyyətcə abxaz olan Tengiz yarım il əvvəl azadlığa buraxılıb. Tengiz deyib ki, həbsdən çıxdıqdan sonra azərbaycanlı iş adamı Adil Mahmudov ona müraciət edib ki, mallarının Rusiya sərhədindən çıxarılmasında problem var və ona kömək etsin. O da Adil Mahmudova kömək etməyə boyun olub. Amma tezliklə başa düşüb ki, bu iş onun düşündüyündən də çətindir. A.Mahmudovla görüşüb bu barədə danışmaq istəyəndə isə onu maşına zorla oturdub şəhərdən qırağa aparıblar. Tengizin iddiasına görə, meşədə onu alçaldıblar və bunu kameraya çəkiblər. Sonra isə deyiblər ki, bu barədə polisə məlumat versə, bu fotonu qafqazlı “qanuni oğru” lara göndərəcəklər. Bundan qəzəblənən abxaziyalı isə martın 5-də günorta saat 12:40 radələrində “Zakarpatskiye uzorı” restoranına daxil olaraq orada nahar edən A. Mahmudovun alın nahiyəsinə atəş açıb. 45 yaşlı azərbaycanlı elə yerindəcə keçinib.
Qatil isə hadisə yerindən qaçıb.
Xatırladaq ki, bu qətllə bağlı ilkin informasiyada bildirilirdi ki, A.Mahmudov Rusiya Silahlı Qüvvələrinin polkovnikidir. Sonradan məlum oldu ki, əslində onun üzərindəki sənəd saxta imiş. Rusiya mətbuatı yazırdı ki, Adil Mahmudov özünün güc strukturlarının əməkdaşı kimi qələmə verib və tez-tez saxta sənədlərdən istifadə edib. Öldürüldüyü zaman onun üzərində zabit forması olduğuna görə qətlə yetirilənin məhz polkovnik olması barədə ilkin məlumat yayılıb.
Sonda onu da qeyd edək ki, A. Mahmudov bir müddət Murmansk vilayətinin Moskvadakı nümayəndəsi olub. 2001-ci ildə qubernator Dmitri Dmitrienko onu bu vəzifədən azad edib. Ancaq o zamana qədər 1967-ci ildə Kürdəmir rayonunda dünyaya gələn və Moskvada 1000 kvmertlik möhtəşəm evdə yaşayan A.Mahmudovun qubernatorun sağ əli olduğu və bir çox məsələləri məhz A.Mahmudovun həll etdiyi bildirilirdi.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]