Bizimlə əlaqə | Reklam
BolgeXeber.Com » Gündəm » İntihar edən iki gəncin son mesajı: «Haqqınızı halal edin, bu gün Əli ilə mənim axırıncı günümdür"

İntihar edən iki gəncin son mesajı: «Haqqınızı halal edin, bu gün Əli ilə mənim axırıncı günümdür"

29-04-2013, 13:35
Oxunub: 4 809 Baş Prokurorluğdan Bolgexeber.com-a verilən məlumata görə Aprelin 27-də saat 10:30 radələrində Sabunçu rayonunun Ramana qəsəbəsi ərazisində yerləşən «Şüşa» yaşayış məntəqəsində istifadəsiz yaşayış evində iki nəfərin asılmış vəziyyətdə meyitinin aşkar edilməsi barədə rayon prokurorluğuna daxil olmuş məlumat əsasında Bakı şəhər və Sabunçu rayon prokurorluğu və Polis İdarəsinin əməkdaşları dərhal həmin ünvana gedərək hadisə yerinə və meyitlərə məhkəmə-tibb ekspertinin iştirakı ilə baxış keçirilmişdir.

İlkin araşdırmalarla meyitlərin 1995-ci ildə Cəlilabad rayonunun Məlikqasımlı kəndində anadan olmuş Qəmbərli Əli Oruc oğlu və 1995-ci ildə Şərur rayonunda anadan olmuş Bayramov Ramil Vidadi oğlu olması müəyyən edilmişdir.

Meyitlərə valideynlərinin iştirakı ilə baxış keçirilmiş, baxış zamanı onların boyun nahiyyəsində stranqulyasiya şırımından başqa heç bir xəsarət və ya xəsarət izi aşkar edilməmişdir.

Hadisə yerinə baxış zamanı iş üçün əhəmiyyət kəsb edən maddi sübutlar götürülmüş, məhkəmə-tibb ekspertizaları təyin edilmişdir.

Araşdırmalarla həmçinin müəyyən edilmişdir ki, Ə.Qəmbərli və R.Bayramov aprelin 26-da evdən çıxmış və sonuncu həmyerlisi Elçin adlı şəxsin mobil telefonuna «haqqınızı halal edin, bu gün Əli ilə mənim axırıncı günümdür» mesajı göndərmişdir.

Faktla bağlı Bakı şəhər prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanaraq istintaq aparılır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]