Bizimlə əlaqə | Reklam
BolgeXeber.Com » Gündəm » Sabirabadda şikayət edənlərə təzyiqlər edilir

Sabirabadda şikayət edənlərə təzyiqlər edilir

6-05-2013, 17:40
Oxunub: 4 892 ƏƏSMN-in yerli şöbəsinin müdiri Rövşən müəllim ondan şikayət edənləri bu şəkildə cəzalandırır

Ötən günlərdə Əmək və Əhalinin Sosial Müdafiəsi Nazirliyinin Sabirabad rayon şöbəsində baş verən neqativ hallarla bağlı geniş məlumat vermişdik. Bildirmişdik ki, şöbəyə yeni rəhbər təyin olunmuş Rövşən müəllim də əvvəlki müdirdər fərqli olmayan addımlar atır.
Bolgexeber.com-a verilən məlumatlarda vurğulanırdı ki, hal hazırda rayonda ünvanlı sosial yardım almaq mümkünsüzə çevrilib. Eyni zamanda, bununla bağlı təqdim olunmuş sənədlər də it-bata salınır. Rövşən müəllimin hərəkətlərindən şikayətçi olan rayon sakinləri isə vəziyyətin dözülməz olduğunu deyirlər.
Bu gün aldığımız məlumata görə, Rövşən müəllim Xəbər Portalımızda gedən yazılara qarşılıq olaraq fərqli vasitələrə əl atıb. Belə ki, o, şikayətçi olan vətəndaşlara yerli icra nümayəndələrinin əliylə təzyiq göstərməyə başlayıb. Məlumatda deyilir ki, hal hazırda həmin vətəndaşlardan tələb olunur ki, mətbuata çıxmasınlar və heç bir şikayət etməsinlər.
Bundan başqa, ƏƏSMN-in yerli şöbəsinin müdiri həmçinin mətbuatdakı əlaqələrini də işə salıb. Belə ki, o, özünə yaxın bildiyi jurnalistlərə sifarişli yazılar yazdırmaq fikrindədir. Bizdə olan məlumatlara görə, həmin mətbuat işçilərindən özü ilə bağlı xoş sözlər yazmalarını və şikayətlərin əsassız olduğunu bildirmələrini istəyib.
Maraqlıdır ki, Bolgexeber.com yazılanlara münasibət öyrənmək üçün Rövşən müəllimlə 3 gündür əlaqə saxlamağa çalışır. Lakin o, açıqlama vermək əvəzinə eyni sözləri təkrarlayıb durur: «Mən nazir Fizuli Ələkbərovu tanıyıram. O da bilir ki, məndən heç bir şikayət ola bilməz. Nə yazırsınız, yazın. Mənə heç kim heç nə edə bilməz».
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]