Bizimlə əlaqə | Reklam
BolgeXeber.Com » Gündəm » Sumqayıtda müəllimin cəzalandırdığı XI sinif şagirdi öldü

Sumqayıtda müəllimin cəzalandırdığı XI sinif şagirdi öldü

13-05-2013, 16:15
Oxunub: 5 144 Azad İlyasov məktəbin heyətində qaçan zaman qəflətən yıxıldığı bildirilir
Bu gün səhər saatlarında Sumqayıt şəhərində orta məktəbdə şagird dərs zamanı ölüb. Hüquq-mühafizə orqanlarından anspress-ə verilən məlumata görə, 8-ci mikrorayonda yerləşən 17 saylı orta məktəbin XI sinif şagirdi, 1996-cı il təvəllüdlü Azad İlyasov qəflətən dünyasını dəyişib.Hazırda uşağın ölümünün səbəbləri araşdırılır.

Hadisə şahidlərinin verdikləri məlumata görə, Azad İlyasov səhər saatlarında dərsə gecikib. Ona görə də müəllim ona cəza kimi məktəbin həyətində qaçmağı əmr edib. Şagird qaçan zaman qəflətən yıxılıb. Hadisə yerinə həkim çağırılsa da, Azadın həyatını xilas etmək mümkün olmayıb.

Hadisə ilə əlaqədar 17 saylı məktəbin rəhbərliyi ilə əlaqə saxlamağa çalışdıq. Lakin telefonu məktəbin mühafizəçisi götürdü və günorta saatları olmasına baxmayaraq, məktəbdə heç kimin olmadığını bildirdi. Ölən şagirdin Gülşən Hüseynovanın rəhbərlik etdiyi “11 B” sinifində təhsil aldığını bildirdilər.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]