BolgeXeber.Com » Gündəm » Gülər Əhmədova dəli olub?

Gülər Əhmədova dəli olub?

19-05-2013, 15:05

Oxunub: 3 817

Sabiq deputatın psixoloji problemlərinin olması barədə açıqlamaların pərdəarxası

“Mandat alveri”nə görə həbs edilən sabiq deputat Gülər Əhmədovanın psixoloji problemlərinin olması barədə yaxınları vaxtaşırı açıqlamalar verir. Bu açıqlamalar Penitensiar Xidmətin rəisi Mədət Quliyevin Gülər Əhmədova ilə görüşündən sonra verilməyə başlayıb. Bu da təsadüfi görünmür. Hələ Mədət Quliyevin sabiq deputatla görüşündən sonra belə xəbərlər yayılmışdı ki, h akimiyyət Gülər Əhmədovanın azad etməyə çalışır.
Penitensiar Xidmətin rəisi ilə sabiq deputatın görüşündə də məhz bu məsələ müzakirə olunub.

Hakimiyyət ehtiyat edir ki, Gülər Əhmədovanı azad etməyəcəyi təqdirdə sabiq deputat bildiklərini danışa bilər. Bəzi məlumatlara görə, sabiq deputat həbs müddətinin artırılmasından sonra bu barədə “yuxarılar”ı xəbərdar edib. Bundan sonra Mədət Quliyev sabiq deputatla danışıqlara göndərilib.

Bəzi məlumatlara görə, Gülər Əhmədovanın psixoloji problemlərinin olması barədə xəbərlərin, açıqlamaların dövriyyəyə buraxılması hakimiyyətlə sabiq deputat arasında anlaşmanın nəticəsidir. Məqsəd sabiq deputat barədə “dəli” obrazı yaradıb onu azad etməkdir.

Lakin belə ehtimallar var ki, hakimiyyət Gülər Əhmədovanı tələyə sala bilər. Yəni, sabiq deputat barəsində “dəli” obrazı yaradılandan sonra hakimiyyət vədini yerinə yetirməz. Bu zaman Gülər Əhmədovanın verəcəyi açıqlamalar da əhəmiyyətini itirəcək. Çünki hakimiyyət bu açıqlamaların sabiq deputatın psixoloji probleminin olmasından irəli gəldiyini əsas gətirəcək.

Hər bir halda hələlik razılaşmaya əsasən Gülər Əhmədovanın “dəli” edilməsi prosesi gedir. Bu, sabiq deputatın xeyrinə nəticələnər, yoxsa ziyanına, zaman göstərəcək.

Çox Oxunanlar