BolgeXeber.Com » Gündəm » Mərkəz rəhbərindən rəqibinə şok ismarıc

Mərkəz rəhbərindən rəqibinə şok ismarıc

30-05-2013, 15:25

Oxunub: 4 083

Rövşən Bağırov: «Mən dəli ola bilərəm, amma bəziləri kimi var-yoxumu qumarda uduzmamışam»

Məlum olduğu kimi, bir müddət əvvəl redaksiyamıza müraciət edən bir qrup şəxs Sabirabad Əmək və Əhalinin Sosial Müdafiə Mərkəzinin rəhbəri Rövşən Bağırovun dəli olması barədə iddia irəli sürmüşdülər. Həmin məlumatda o da vurğulanırdı ki, Bağırovun bu vəziyyətindən nazirlikdəki rəsmilər də xəbərdardırlar.
Az öncə Bolgexeber.com-un əməkdaşları ilə əlaqə saxlayan Rövşən Bağırov bildirib ki, haqqında belə bir məlumatın yayılması sifariş əsasında həyata keçirilib və o, sifarişçilərin kim olduğunu bilir. «Əgər mən dəliyəmsə, o zaman necə bu vəzifəyə təyinat almışam? Uzun müddət nazirlikdə şikayətlər şöbəsində işləmiş bir adamın ruhi sağlığı yəqin ki, yerində olmalıdır ki, bu postda qala bilsin. Üstəlik, bu məlumatları mənim haqqımda sifarişlə yazdırırlar ki, haqqımda mənfi rəy formalaşsın. Mən dəli ola bilərəm, amma bəziləri kimi qumarda var-yoxumu uduzmamışam».
Qeyd edək ki, qumar məsələsi bizim üçün də qaranlıq qalıb və Rövşən Bağırov bu barədə hər hansı açıqlama vermək niyyətində deyil. Güman etmək olar ki, mərkəz rəhbəri kimlərdənsə şübhələnib və o səbəbdən üstüörtülü şəkildə rəqibinə mesaj göndərib.

Çox Oxunanlar