BolgeXeber.Com » Gündəm » Paytaxt meri həbs edildi

Paytaxt meri həbs edildi

2-06-2013, 12:50

Oxunub: 4 434

Səid Əmirov bir neçə qətli sifariş verməkdə şübhəli bilinir

Bir müddət əvvəl xüsusi əməliyyat nəticəsində həbs edilmiş Dağıstanın paytaxtı Mahaçqalanın meri Səid Əmirov xüsusi təyyarə ilə Moskvaya aparılıb.

Bu barədə Rusiyanın "ORT" telekanalı Dağıstan Dövlət Televiziyasına istinadən xəbər verib.

Məlumata görə, Əmirovla bərabər saxlanılan qardaşı oğlu Yusup Cəfərov, habelə adları açıqlanmayan daha 12 nəfər də Rusiya paytaxtına aparılıb.

Dağıstan mətbuatının yazdığına görə, Səid Əmirov çoxsaylı qətllərin sifarişində ittiham olunur. Mer əsasən, Dağıstan Respublikası İstintaq Komitəsinin əməkdaşı Arsen Qadjibekovun qətlini sifariş verməkdə şübhəli bilinir.

O, iki gün əvvəl saxlanılmış Sirajudin Quçuçalievin ifadələri əsasında tutulub. Quçuçaliyev isə Mahaçqala silahlılarının liderlərindən sayılır.

Qeyd edək ki, Mahaçqala meri Səid Əmirov 14 ildir bu postu tutur və bu müddət ərzində ona qarşı edilmiş çoxsaylı sui-qəsd cəhdlərindən sağ çıxdığı üçün "Ölümsüz" ləqəbi alıb. Onun yaşadığı ev hazırda xüsusi-təyinatlı dəstələr tərəfindən mühasirəyə alınıb, evdə və merin kabinetində axtarışlar davam edir. anspress

Çox Oxunanlar