BolgeXeber.Com » Gündəm » Gəncədə tutulan sabiq vəzifəli şəxslərin ittihamları məlum olub

Gəncədə tutulan sabiq vəzifəli şəxslərin ittihamları məlum olub

24-08-2020, 17:00

Oxunub: 4 523

Gəncə Şəhər İcra Hakimiyyətinin saxlanılan sabiq əməkdaşları barəsində hansı maddələrin irəli sürüldüyü məlum olub.
Gəncə Şəhər Memarlıq və Şəhərsalma İdarəsinin rəisi vəzifəsində çalışmış Əli Xasay oğlu Rüstəmov və Gəncə Şəhər Nizami Rayon İcra hakimiyyətinin keçmiş başçısı Məharət Mustafa oğlu Mustafayev barəsində Cinayət Məcəlləsinin 308.2-ci (vəzifə səlahiyyətlərini aşma), 178.3.2-ci (dələduzluq), 178.2.4, 178.2.2, 178.2.3-cü, 311.3.1-ci (rüşvət alma), 311.3.1, 311.3.2, 312.2-ci (rüşvət vermə), 314-cü (Qanunla müəyyən olunmuş qaydaları pozmaqla torpaq sahələri ayırma, yaxud tikinti və ya quraşdırma işlərinin aparılmasına icazə vermə) maddələri ilə ittiham verilib.
Həmin şəxslərin barəsində təqdimat Binəqədi Rayon Məhkəməsinə daxil olub və hakim Vüqar Məmmədovla Fərid Əmirəliyevin sədrliyi ilə baxılacaq.
Baş Prokurorluğun Mətbuat Xidmətindən "Report"a bildirilib ki, Baş Prokuror yanında Korrupsiyaya Qarşı Mübarizə Baş İdarəsi tərəfindən Gəncə Şəhər İcra Hakimiyyətində işləmiş vəzifəli şəxslərlə bağlı əməliyyat keçirilməsi ilə əlaqədar ictimaiyyətə yaxın vaxtlarda ətraflı rəsmi məlumat veriləcək.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]