BolgeXeber.Com » Gündəm » BNA Hikmət Babayevi necə “qurban“ verdi? - Təfərrüat

BNA Hikmət Babayevi necə “qurban“ verdi? - Təfərrüat

4-09-2020, 12:48

Oxunub: 4 243

Bakı Nəqliyyat Agentliyinin (BNA) şöbə müdiri Hikmət Babayevin ARB telekanalında taksi xidməti ilə bağlı vahid tarif sisteminin tətbiq edilməsi və vahid dispetçer mərkəzinin yaradılması barədə təklifə aydınlıq gətirərkən ehtiyatsız fikirlər səsləndirməsi ciddi ictimai qınaqla qarşılandı və nəhayət, sözügedən qurum məsələyə münasibət bildirməyə məcbur oldu.
BNA yaydığı açıqlamada Hikmət Babayevin dediklərini onun şəxsi fikri kimi qələmə verdi. “BNA-nın şöbə müdiri Hikmət Babayevin verdiyi açıqlamanın onun şəxsi fikri olduğunu, qurumun mövqeyini əks etdirmədiyini bildirir və onunla bağlı müvafiq inzibati tədbirlərin həyata keçirildiyini bəyan edirik", - deyə Agentlik bəyan etdi.
Lakin BNA-nın bu məsələdə səmimi olmadığı barədə iddialar var. Yenisabah.az-ın əldə etdiyi məlumata görə, həmin verilişə Hikmət Babayev deyil, BNA-nın başqa bir rəsmisi dəvət alıb. Bəzi məlumatlara görə, həmin şəxs qurumun mətbuat xidmətinin rəhbəri Mais Ağayev olub. Lakin o verilişə qatıla bilmədiyindən əvəzinə Hikmət Babayev efirə çıxıb və BNA-nın məsələ ilə mövqeyini diqqətə çatdırıb. Yəni, əslində onun fikirləri heç də şəxsi mövqeyi olmayıb. Sadəcə məsələyə sərt təpki olduğuna görə BNA vəziyyətdən çıxış üçün bu yolu seçib. Digər tərəfdən, Hikmət Babayevin fikirləri sosial şəbəkələrdə iki gün müzakirə mövzusu olub. BNA isə bu müddət ərzində israrla susub. Əgər şöbə müdirinin fikirləri onun şəxsi mövqeyi olsaydı, güman qurum dərhal buna reaksiya verərdi.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]