BolgeXeber.Com » Gündəm » Sabirabad sakinləri mərkəzin yeni rəhbərinə hansı münasibəti bəsləyirlər?

Sabirabad sakinləri mərkəzin yeni rəhbərinə hansı münasibəti bəsləyirlər?

5-06-2013, 14:00

Oxunub: 4 554

Onlar Rövşən Bağırovun təyinatından sonra sənədlərə doğru-düzgün baxıldığını bildirirlər

Ötən günlərdə redaksiyamıza müraciət edən Sabirabad rayonunun bir neçə kəndinin sakinləri son dövrlər Əmək və Əhalinin Sosial Müdafiəsi Nazirliyinin yerli şöbəsinin fəaliyyətindən razılıq ediblər. Bolgexeber.com-a açıqlama verən Sabirabadın Ulacalı, Cavad, Narlıq və daha bir neçə kəndlərinin sakinləri deyiblər ki, Sosial Müdafiə Mərkəzinə yeni rəhbər təyin olunan Rövşən Bağırov işində ciddi dönüş yaradaraq, vətəndaşları razı şəkildə yola salmaqdadır.
Onlar bildiriblər ki, əvvəlki mərkəz rəhbəri vətəndaşlara məxsus sənədlərin bir çoxunu it-bata salaraq, bununla rüşvətxorluğa və korrupsiyaya yol açmışdı. Lakin Bağırovun mərkəzə rəhbər təyinatı almasından sonra həmin it-bata düşmüş sənədlər bir-bir tapılır, yerindəcə baxılaraq, icraya yönəldilir.
Sakinlər bildirirlər ki, hal hazırda ünvanlı sosial yardım və digər məsələlərlə əlaqədar Sabirabad rayon Sosial Müdafiə Mərkəzinə edilən müraciətlərə lazımi səviyyədə baxıldığına görə, Rövşən Bağırovun fəaliyyətindən razıdırlar.

Çox Oxunanlar