BolgeXeber.Com » Gündəm » “Füzuli artıq bizim gözümüzün önündədir” - Prezident

“Füzuli artıq bizim gözümüzün önündədir” - Prezident

16-10-2020, 17:55
Oxunub: 2 563 "Atəşkəsdən sonra 3 dəfə Hadrud qəsəbəsini yenə də işğal etmək istədilər, 3 dəfə ora həmlə etdilər”.
Bunu Türkiyənin "A Haber” televiziya kanalına müsahibəsində Azərbaycan Prezidenti İlham Əliyev söyləyib.
"Amma 3 dəfə də məğlub oldular. Onların niyyəti itirilmiş və onlara mənsub olmayan torpaqları yenə də qaytarmaq və beləliklə işğalçılıq siyasətini davam etdirməkdir”, - Prezident əlavə edib.
Prezident həmçinin bildirib:
"Dünən mən 6 kəndin işğaldan azad edilməsini elan etdim. Bu proses davam edir. Demək olar ki, hər gün yeni yüksəkliklər, ərazilər işğaldan azad edilir. Füzulinin əksər kəndləri bizdədir, Füzuli artıq bizim gözümüzün önündədir. Bütün istiqamətlərdə böyük uğurlar əldə etmişik.