AZTV-də üsyan

12-06-2013, 09:55

Oxunub: 4 249

Tikinti işlərini həyata keçirən podratçı pulların yuxarılar tərəfindən yeyildiyini deyir, onlar isə Prezident Admnistrasiyasına yürüş etməyə hazırlaşırlar

AZTV-də həyata keçirilən tikinti işlərində çalışan fəhlələr üsyana qalxıblar. Bu barədə orada çalışan fəhlələr məlumat veriblər.
Məlumatda deyilir ki, onlar AZTV-də reallaşdırılan tikinti işlərində 2 aydan çoxdur çalışırmışlar. Onların bildirdiyinə görə, işin icraçısı Yavərv adlı şəxs bir müddətdir fəhlələrin gördüyü işlərin pulunu verməkdən boyun qaçırır. «Biz dəfələrlə xəbərdar etsək də, «pulları yuxarılar yeyiblər» deməklə bizi aldıdır. Halbuki biz 15 manatlıq işləri onlar üçün 3 manata görmüşük. Onlardan tələbimiz də həmin 3 manatlarımızı vermələridir».
Tia.az-a danışan fəhlələr deyirlər ki, hər gün AZTV-yə gəlib gedirlər, amma nəticə yoxdur. «Bir gündə AZTV-də çıxıb, Prezident Admnistrasiyasına yürüş edəcəyik. Aylardır uşaqlarımıza yemək apara bilmirik. Bəlkə, bizi və ac uşaqlarımızı başa düşən oldu».
Tia.az

Çox Oxunanlar