BolgeXeber.Com » Gündəm » İsa Sadıqov özü barədə xəbərlərə aydınlıq gətirib

İsa Sadıqov özü barədə xəbərlərə aydınlıq gətirib

20-06-2013, 19:00

Oxunub: 4 689

Respublika Hərbi Prokurorluğunun beynəlxalq axtarışa verdiyi müdafiə nazirinin keçmiş müavini, sabiq hərbi hissə komandiri, Norveçdə siyasi mühacirətdə yaşayan və iyunun 7-də Azərbaycan müxalifətinin elan etdiyi Milli Şuraya üzv seçilən polkovnik İsa Sadıqov həbs olunma xəbərini təkzib edib.

Qeyd edək ki, bu gün Azərbaycanın bəzi KİV-ləri Sadıqovun dünən Gürcüstanda saxlanıldığı barədə təsdiqlənməyən xəbər yayıblar.
Məlumata görə, İsa Sadıqov özü barədə xəbərlərə aydınlıq gətirən açıqlama verib.

Xatırladaq ki, Respublika Hərbi Prokurorluğunun iyunun 19-da yaydığı məlumata görə, ehtiyatda olan polkovnik, Azərbaycan Respublikası Ali Məhkəməsi Hərbi Kollegiyasının 23 yanvar, 1996-cı il tarixli hökmü ilə 01 sentyabr, 2000-ci il tarixədək qüvvədə olmuş Azərbaycan CM-nin 244-cü maddəsinin "a" bəndi ilə təqsirli bilinərək 3 il müddətinə azadlıqdan məhrum edilmiş Sadıqov İsa Nəzər oğlunun CM-in 341.3-cü (hakimiyyətdən sui-istifadə etmə) maddəsi ilə təqsirləndirilməsinə dair cinayət işinin ibtidai araşdırması aparılır.

Bununla əlaqədar 25 fevral, 1993-cü il tarixdə Qazax Qarnizonu Hərbi Prokurorluğu tərəfindən faktı üzrə 01 sentyabr, 2000-ci il tarixinədək qüvvədə olmuş CM-in 255-ci maddəsinin "v" bəndi ilə cinayət işi başlanıb və istintaq aparılıb. 14 aprel, 2012-ci il tarixdə cinayət işi üzrə icraatın dayandırılması haqqında 01 dekabr, 2001-ci il tarixli qərar təzələnib və CM-in 341.3-cü maddəsinə tövsif edilib. Hazırda həmin cinayət işi üzrə zəruri istintaq tədbirləri davam etdirilir.

Çox Oxunanlar