Bizimlə əlaqə | Reklam
BolgeXeber.Com » Gündəm » Məhərrəm Əliyev Bakıya niyə gəlib?

Məhərrəm Əliyev Bakıya niyə gəlib?

13-05-2011, 11:55
Oxunub: 7 431 Daşkənddəki general-səfirimiz iki gündür XİN-də əyləşir, onun təhvil-təslim işləri məşğul olduğu iddia edilir

Azərbaycanın Tacikistandakı səfiri, BŞBPİ-nin sabiq rəisi general Məhərrəm Əliyevin Bakıdadır. Bolgexeber.com TİA.AZ saytına istinadən bildirir ki, etibarlı mənbədən daxil olan məlumata görə, general-səfir mayın 10-dan ölkəyə dönüb və son iki gündür davamlı olaraq Xarici İşlər Nazirliyinə gedir.

Verilən məlumatda deyilir ki, M.Əliyevin Bakıya gəlişi səbəbsiz deyil. Onun hər gün XİN-ə gedişi isə təhvil-təslim işləri ilə əlaqələndirilir. Qaynağın iddiasına görə, yaxın günlərdə Tacikistandakı səfirimiz yeni təyinat alacaq.

Xatırladaq ki, bir müddət əvvəl ölkə mətbuatı bununla bağlı məlumat yayaraq bildirmişdi ki, Məhərrəm Əliyev MTN-ə müavin postuna gətirilir. Qəzetlərin yazdığına görə, keçmiş polis rəisi bir müddət əvvəl MTN-dən çıxarılmış müavin Əli Nağıyevin yerinə təyinat alacaq. Lakin bu məlumatı nə onun ailə üzvləri, nə də rəsmi qurumlar təsdiqləməyiblər.

Ancaq bizə çatan məlumatdan belə anlaşılır ki, general-səfirin paytaxta dönməsi səbəbsiz deyil və ortada ciddi bir məsələ var. Yəni, baş verənlər belə deməyə əsas verir ki, Məhərrəm Əliyevi yeni vəzifə gözləyir. Amma bunun MTN-ə və ya başqa bir nazirliyə təyinatla sonuclanacağı hələlik sual olaraq qalır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]