BolgeXeber.Com » Gündəm » Təhsil Nazirliyi 3 minədək müəllimin sənədini yoxlayacaq

Təhsil Nazirliyi 3 minədək müəllimin sənədini yoxlayacaq

16-07-2013, 16:20

Oxunub: 3 908

Saxta sənədlə işləyən müəllimlərin aşkar olunması istiqamətində Təhsil Nazirliyi mütəmadi olaraq tədbirlər həyata keçirir.
APA-nın xəbərinə görə, Təhsil Nazirliyinin Strateji təhlil, planlaşdırma və kadrların idarə olunması şöbəsinin müdiri Fərzalı Qədirov jurnalistlərə açıqlamasında deyib ki, ötən il ümumi ölkə üzrə belə bir monitorinq aparılıb və onun nəticələri ictimaiyyətə elan olunub.
Aşkar olunan saxta təhsil sənədləri barədə məlumatları Baş Prokurorluğa da təqdim etdiklərini deyən F.Qədirov qeyd edib ki, onların bəziləri ilə bağlı müəyyən istintaq işləri başa çatıb, digərləri üzərində işlər aparılır: “Amma hər zaman Təhsil Nazirliyinə müraciət əsasında işə qəbul prosesində biz bütün təhsil sənədlərinin doğruluğunu, dəqiqliyini yoxlayırıq. Onun saxta olduğunu aşkar etdikdə, digər müvafiq tədbirlər görülür. Qarşıda bizi daha ciddi bir mərhələ gözləyir. Belə ki, işə qəbul olunacaq 3 minədək müəllimin təhsil sənədləri yoxlanacaq. Həmin yoxlamanın nəticələrinə uyğun olaraq məlumat verə bilərik ki, nə qədər müəllimin təhsil sənədi işləmək üçün uyğun deyil”.
Bolgexeber.com

Çox Oxunanlar