Bizimlə əlaqə | Reklam
BolgeXeber.Com » Gündəm » DSMF təcili məlumat yaydı, vətəndaşlar bankomatlara axışdı, AMMA…-

DSMF təcili məlumat yaydı, vətəndaşlar bankomatlara axışdı, AMMA…-

25-09-2021, 16:56
Oxunub: 4 792 Dövlət Sosial Müdafiə Fondu (DSMF) sentyabr ayı üzrə ünvanlı dövlət sosial yardımının ödənilməsinin başa çatdırılması ilə bağlı məlumat yayıb.

Bolgexeber.com Qaynarinfo-ya istinadən xəbər verir ki, sözügedən məlumat DSMF-nin rəsmi “Facebook” səhifəsində də yayımlanıb. Bildirilib ki, bütün müavinət, təqaüd və kompensasiyaların ödənişi həyata keçirilib.

Amma paylaşımın altında müavinət, təqaüd və kompensasiya alan bəzi vətəndaşlar DSMF-nin yaydığı məlumatı təkzib ediblər.

İsmayıl Yusubov adlı şəxs Suraxanı rayonunda vəsaitin köçmədiyini bildirib. DSMF isə ona belə cavab verib:

“Sorğunuza cavab olaraq bildiririk ki, aparılan islahatlarla əlaqədar olaraq 01.09.2021-ci il tarixdən etibarən kartınız dəyişdirilərək Azərbaycan Beynəlxalq Bankına keçirilmişdir. Azərbaycan Beynəlxalq Bankının qeydiyyatda olduğunuz ərazi üzrə filialına yaxınlaşaraq kartınızı götürməyinizi xahiş edirik. Eyni zamanda bildiririk ki, əgər Sizin Azərbaycan Beynəlxalq Bankına məxsus aktiv pensiya kartınız varsa, sosial ödənişiniz Azərbaycan Beynəlxalq Bankına məxsus pensiya kartınıza köçürüləcəkdir. Nəzərə almağınızı xahiş edirik”.



DSMF-nin rəsmi açıqlamasına baxmayaraq, Azərbaycan Beynəlxalq Bankının kartlarını alan bəzi vətəndaşlara da müavinət, təqaüd və kompensasiya haqqının köçmədiyi məlum olub.

Bəzi vətəndaşlar DSMF-nin yaydığı məlumatdan sonra bankomatlara axışsa da, müavinət, təqaüd və kompensasiyalarının köçmədiyi məlum olub.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]