Bizimlə əlaqə | Reklam
BolgeXeber.Com » Gündəm » İlham Əliyev: "Azərbaycanın qaz ehtiyatı 2,2 trln kubmetr təşkil edir"

İlham Əliyev: "Azərbaycanın qaz ehtiyatı 2,2 trln kubmetr təşkil edir"

7-06-2011, 12:40
Oxunub: 6 830
Azərbaycan iqtisadiyyatına indiyədək 97 milyard dollar investisiya yatırılıb.

Bu barədə bu gün Bakıda "Caspian Oil and Gas” 18-ci Beynəlxalq Xəzər neft və qaz, neft emalı və neft kimyası sərgisinin təntənəli açılış mərasimində iştirak edən Azərbaycan prezidenti İlham Əliyev deyib. Dövlət başçısı qeyd edib ki, bu məbləğin 42 mlrd dolları nef-qaz sektoruna yatırılıb.

İlham Əliyev onu da bildirib ki, Azərbaycanda təsdiq edilmiş təbii qaz ehtiyatı ciddi hesablamalara görə 2, 2 trilyon kubmetrdir. Azərbaycan qazını dörd, neftini isə üç istiqamətdə ixrac edir.

"Hazırda Türkiyə ilə Azərbaycan arasında Azərbaycan qazının Türkiyə ərazisi ilə tranziti ilə bağlı danışıqlar aparılır. Bu danışıqlar son mərhələdədir. Biz ümid edirik ki, müvafiq razılaşma yaxın zamanlarda imzalanacaq və Azərbaycan qazının dünya bazarlarına daşınması üçün bütün maneələr aradan qalxacaq", deyə İ. Əliyev vurğulayıb.

Qeyd edək ki, sərgidə iştirak etmək üçün Avropa İttifaqının Enerji məsələləri üzrə komissarı Günter Ottinger və Amerika Birləşmiş Ştatları dövlət katibinin Avrasiya enerji məsələləri üzrə xüsusi nümayəndəsi Riçard Morninqstar Bakıya gəlib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]