BolgeXeber.Com » Gündəm » Bu işçilərə 4 ayın maaş əlavələri birdən verilir

Bu işçilərə 4 ayın maaş əlavələri birdən verilir

24-10-2023, 17:10
Oxunub: 3 176

Bakı Metropoliteni QSC-nin işçilərinin maaşlarının 15% artırıldığı barədə qərar yanvar ayından qüvvəyə minsə də, ilin ilk 4 ayının maaş əlavələri bugünə kimi ödənilmirdi. Bolgə.TV Trend-ə istinadən xəbər verir ki, bu gündən etibarən metro işçilərinin ödənilməmiş olaraq qalan ilk 4 ayın da əlavələri artıq hesablara köçürülüb.

Qeyd edək ki, Müşahidə Şurasının sədri, rəqəmsal inkişaf və nəqliyyat naziri Rəşad Nəbiyevin imzaladığı protokola və səhmdar cəmiyyətinin sədri Zaur Hüseynovun imzaladığı qərara əsasən 2023-cü ilin əvvəlindən metro işçilərinin maaşlarının 15% artırılması rəsmiləşib. Bu qərar 5 minə yaxın metropoliten əməkdaşını əhatə edir.

Artımlar 1 yanvar 2023-cü ildən etibarən qüvvədə olsa da, maaşa edilən artımlar işçilərin hesabına may ayından etibarən köçürülməyə başlanılmışdır. İlin ilk 4 ayının maaş əlavəsi isə bu zamana kimi metro işçilərinə verilmirdi.

Xatırladaq ki, maaşa artımlarla bağlı qərar 1 yanvar 2023-cü ildə qəbul edilsə də, səhmdar cəmiyyətinin sədri Zaur Hüseynov bu barədə qərarı may ayında imzalamışdır.