BolgeXeber.Com » Gündəm » Ramil Usubov təmizləmə “əmliyyat”ını davam etdirir

Ramil Usubov təmizləmə “əmliyyat”ını davam etdirir

22-07-2011, 17:15

Oxunub: 4 823

Bakı Şəhər Baş Polis İdarəsi Dövlət Yol Polisi İdarəsinin Yol Patrul Xidməti Alayının 1 əməkdaşı tutduğu vəzifədən azad olunub.

Bu barədə məlumat Daxili İşlər Nazirliyinin mətbuat xidmətindən Bolgexeber.com-a verilib. YPX əməkdaşı daxili işlər nazirinin 21 iyul 2011-ci il tarixli əmri ilə azad edilib. Əmrə əsasən, yol hərəkəti qaydalarını pozmuş sürücü barəsində şəxsi maraq müqabilində qanunla müəyyən edilmiş inzibati qaydada tədbir görmədiyinə, vəzifə səlahiyyətlərini yerinə yetirmədiyinə, daxili işlər orqanları əməkdaşı adına və polisin nüfuzuna xələl gətirdiyinə görə Bakı Şəhər Baş Polis İdarəsi Dövlət Yol Polisi İdarəsinin Yol Patrul Xidməti Alayının 1 əməkdaşı tutduğu vəzifədən azad olunub, 1 əməkdaşa "şiddətli töhmət" elan edilib, tabelikdəki əməkdaşların xidməti fəaliyyətinə nəzarəti lazımi səviyyədə həyata keçirmədiyinə görə taqım komandirinə ciddi xəbərdarlıq olunub.

Çox Oxunanlar