“Azercell” Azərbaycandakı redaksiyaları necə ələ alır?
11-06-2014, 18:35
Oxunub: 4 083
Redaksiyaya isə ayda bir dəfə 100 manatlıq kontur göndərilir ki, müxbirlər arasında bölüşdürülsün
Azərbaycanın mobil rabitə sahəsində kifayət qədər ciddi problemlərin mövcud olması heç kəsə sirr deyil.
Abunəçilərin əsas narazılığı isə şübhəsiz ki, bilavasitə konturların – dəqiqələrin oğulanmasına görədir. Dürlü-dürlü reklam kampaniyaları ilə abunəçiləri şirnikləndirən operatorlar faktiki olaraq müştərilərin “cibinə girirlər”. Bu xüsusda “AzerCell”in özünəməxsus maxinasiyaları daha qabarıq şəkildə görünür. Təkcə sosial şəbəklərdə abunəçilərin yazdıqlarını toplasaq, görərik ki, “Azercell”in dəqiqə hesablama mexanizmlərindən insanlar necə əziyyət çəkirlər.
**
Göstərilən xidmətin səviyyəsinin günü-gündən aşağı düşməsi də abunəçilərin tez-tez qabartdığı məsələlərdəndir. Bütün bu probemlər barədə xəbər vermək funksiyası daşıyan mətbuat isə susur… Niyə? Kim verib “Azercell”ə toxunulmazlıq statusunu? Məmurları, millət vəkillərini sərt tənqid etməkdən çəkinməyən media qurumları “Azercell” adına xüsusi hörmət və ehtiramla yanaşırlar. Bəlkə qorxurlar? Bəlkə “Azercell” mobil monstrdır ki, bizim mediamız ondan bu qədər çəkinir və ehtiyat edir? Yox, belə qorxulu heç nə yoxdur. Səbəb sadədir: Baş redaktorların Antalya keyfi…
**
“Azercell” özünə qarşı hər hansı tənqidi materialın ölkə mediasında görünməməsi üçün belə bir vasitəyə əl atır: İldə bir dəfə baş redaktorları Türkiyənin gəzməli-görməli yerlərinə aparır. Müxbirlər isə bu diqqət və qayğıdan kənarda qalırlar. “Azercell”in baş bilənləri yaxşı hesablayıblar ki, müxbirlərə göstərilən qayğı nəticəsiz qala bilər. Onların “AzerCell” haqqında yazacaqları yazılar və xəbərlər baş redaktorların izni olmadan yayımlana bilməz. Odur ki, işi birincilərlə görürlər. Redaksiyaya isə ayda bir dəfə 100 manatlıq kontur göndərilir ki, müxbirlər arasında bölüşdürülsün. O da baxır baş redaktorun insafına, konturu da müxbirə çox görənlər var…
**
Beləcə “Azercell” baş redaktorların gəzintisi, müxtəlif reklam bannerləri və ayda 100 manatlıq kontur hesabına toxunulmaz vəziyyətə gəlib. Bu şirkət abunəçilərin başına hansı oyun açırsa açsın Azərbaycan mətbuatından səs çıxmayacaq…
«AzerFax»
Çox Oxunanlar
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 27-04-2024, 18:58 : Bakı metrosunda ölüm baş verib
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 17-04-2024, 10:13 : Hadı Rəcəblinin dəfn yeri açıqlandı
Gündəm
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər