Asiya Universitetində pul "razborka"sı...
24-09-2014, 13:00
Oxunub: 3 450
Dünən - sentyabrın 23-də tələbələr dərsdən uzaqlaşdırılıb
Azərbaycan İctimai-Siyasi Universitetindən Asiya Universitetinə köçürülən tələbələr yeni ali məktəbdə problemlə qarşılaşıblar.
Bu barədə saytına həmin universitetdə təhsil alan tələbələr məlumat veriblər.
Tələbələrin sözlərinə görə, Təhsil Nazirliyi İctimai-Siyasi Universitetin fəaliyyətini dayandırandan sonra təhsillərini davam etdirmək üçün Asiya Universitetinə keçiblər. Onlara təhsil haqlarını hissə-hissə ödəyə biləcəklərini deyiblər. Lakin sonradan təhsil haqqını birdəfəlik ödəməyən tələbələr dərsdən çıxarılıb.
“Dünən - sentyabrın 23-də tələbələr dərsdən uzaqlaşdırılıb. Buna görə də valideynlər universitetin rektoru Cəlal Nağıyevin həyat yoldaşı, hazırda dekan vəzifəsini icra edən Rahilə Nağıyeva ilə görüşüblər. Dekan təhsilhaqqı ödənilməyən tələbələrin dərsə buraxılmayacağını deyib. Nəticədə tələbələrdən birinin valideyni ilə dekan arasında mübahisə yaranıb. Dekan valideyni təhqir edib” - deyə tələbələr bildirib.
Tələbələr bildirdilər ki, İctimai-Siyasi Universitetindən köçürülən 23 tələbədən yalnız 5-i təhsilhaqqını ödəyə bilib. Digərləri isə təhsilhaqqının ödənilməsi üçün vaxt istəyib: “Asiya Universitetində illik təhsil haqqı 2300 manatdır. Valideynlər Təhsil Nazirliyinə şikayət edəcəklərini dedilər. Dekan isə “Hara istəyirsiniz, gedin şikayət edin. Ya pulu ödəyin, ya da universiteti tərk edin” -deyə cavab verib. Uşaqlardan biri isə təhsilinin yarımçıq qalacağı təqdirdə intihar edəcəyini söylədi”.
Virtualaz.org saytı bu deyilənlərə aydınlıq gətirmək üçün Asiya Universiteti ilə əlaqə saxladı.
Özünü Asiya Universitetinin əməkdaşı kimi təqdim edən, amma adını söyləmək istəməyən şəxsin cavabı belə oldu: “Burada nə qarşıdurmaya, nə də mübahisəyə səbəb yoxdur. Universitet özəldir və hər kəs təhsilhaqqını ödəməlidir”.
Universitetdən onu da dedilər ki, dekan valideynləri təhqir etməyib. Lakin tələbələrə təhsil haqlarının ödənilməsi üçün xəbərdarlıq olunub.
Təhsil Nazirliyindən isə məsələyə münasibət bildirmədilər.
Qeyd edək ki, təhsil nazirinin əmri ilə yaradılan işçi qrup Azərbaycan İctimai-Siyasi Universitetində yoxlama aparıb. Nazirlik universitetə verilən lisenziyanın müddətini uzatmayıb. Çünki universitetdə aparılan araşdırmalar nəticəsində orada tədrisin formal xarakter daşıdığı, kafedraların mövcud qaydalara uyğun təşkil olunmadığı məlum olub.
Qeyd edək ki, Azərbaycan İctimai-Siyasi Universitetində 566 tələbə təhsil alıb. İşçi komissiyası həmin tələbələri digər ali məktəblərə köçürüb. Nazirlik açıqlamasında köçürülən tələblərin təhsil xərclərinin oxuduqları ali məktəbin təhsil xərcindən yüksək olmayacağını vəd etmişdi.
Bolgexeber.com
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 27-04-2024, 18:58 : Bakı metrosunda ölüm baş verib
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər