BolgeXeber.Com » Analitika » "Aqrarkredit" in Ucar Filialının müdiri saxtakarlıqla məşğuldur? - ŞİKAYƏT MƏKTUBU

"Aqrarkredit" in Ucar Filialının müdiri saxtakarlıqla məşğuldur? - ŞİKAYƏT MƏKTUBU

15-01-2015, 11:10

Oxunub: 4 732

Ağamalı Əzizov:Bu bankın yiyəsi çox böyük vəzifə sahibidir nə etsəniz mənası yoxdu"

Ucar rayonu, 28 May küçəsi ev 43-də yaşayan Camalov Nurlan Calal oğlunun Bolgexeber.com-un elektron ünvanına göndərdiyi şikayət məktubunda, "Aqrarkredit" Səhmdar Kredit Təşkilatının Ucar Filialının müdiri Ağamalı Əzizovun vəzifə səlahiyyətlərindən sui-istifadə edərək, saxtakarlıq etdiyini bildirilir.

Məktubda deyilir:"Aqrarkredit" Səhmdar Kredit Təşkilatının Ucar Filialının müdiri Ağamalı Əzizov vəzifə səlahiyyətlərində sui-istifadə edərək anamın xəbəri, iştirakı olmadan , heç bir sənədə imza etmədən onun adını kredit götürən şəxsə zəmanətçi kimi qeyd edərək cinayət əməli törətmişdir. Belə ki, Bankın müdiri Ağamalı Əzizov orta məktəbdə işləyən anamdan şəxsiyyət vəsiqəsini seçici siyahısı tərtibatı adı ilə aldadıb alaraq başqa şəxsə 20.000 manat kredit verilməsində zəmanətçi kimi adını sənədləşdirmiş, anamın əvəzindən sənədə özü saxta imza etmişdir. Marağı isə bu olmuşdur ki, belə saxtakarlıq yolu ilə pulun müəyyən faizini rüşvət kimi özünə götürüb vətəndaşlara kredit pul verir. Başqa Bankdan kredit pul götürmək istədikdə zəmanətçi olduğundan anama kredit pul vermədilər və bundan sonra bizə məlum oldu ki, "Aqrarkredit" Səhmdar Kredit Təşkilatının Ucar Filialının müdiri Ağamalı Əzizov anamın xəbəri olmadan onun adını zəmanətçi kimi saxtakarlıqla sənədləşdirmişdi. Sonradan öyrəndik ki, Bank müdiri Ağamalı Əzizov çoxlu sayda rayon sakinlərinin şəxsiyyət vəsiqələrini seçki siyahısı tərtibatı adı ilə alıb onların xəbəri olmadan onların əvəzinə imza atmaqla zəmanətçi kimi saxta sənədə qeyd edib kredit pullar verib. Bank müdiri Ağamalı Əzizovdan bu saxtakarlığın səbəbini soruşduqda acıqlı cavab verib bildirdi ki, bu bankın yiyəsi çox böyük vəzifə sahibidir nə etsəniz mənası yoxdur, gözləyin bu ilin sonuna kredit ödənişi bitəcək və sizə arayış verəcəm. İndidə qalmışıq çıxılmaz vəziyyətdə".
Şikayətçi qeyd edir ki, "Bank müdiri Ağamalı Əzizovun qanunsuz əməlləri barədə biz hüquq mühafizə orqanlarına, Mərkəzi Bankın sədri Elmar Rüstəmova, Maliyyə Naziri Samir Şərifova və sairə orqanlara şikayətlər etmişik. İnanıram ki, müfafiq orqanlar bu cinayət faktını obyektiv araşdırıb qanunu tədbirlər görəcəklər".

Yazıda adı keçən qurum və şəxsləri də dinləməyə hazırıq.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]