Bizimlə əlaqə | Reklam
BolgeXeber.Com » Analitika » “Qocalar evi” direktorundan tükürpədici mənimsəmə - ŞİKAYƏT

“Qocalar evi” direktorundan tükürpədici mənimsəmə - ŞİKAYƏT

13-03-2015, 12:45
Oxunub: 5 028 “Qocalar evi” direktorundan tükürpədici mənimsəmə - ŞİKAYƏTBakının Bilgəh kəndində yerləşən “Qocalar evi” rəhbəri Qətibə Əsədovadan şikayət var

Tia.az-a verilən xəbərə görə, bu yuvanın yaşlı sakinlərinin pensiya kartı əlindən alınır. Bu özbaşınalığın arxasında Q.Əsədovanın olduğu iddia edilir. O da bildirilir ki, direktor dövlətin ayırdığı ərzaq payını ahıllardan əsirgəyərək mənimsəyir. Onun bu əməllərinə qarşı yaşlılar heç bir şikayət edə bilmir. Q.Əsədova da fürsətdən sui-istifadə edərək “Qocalar evi”ni talayır. Qeyd edək ki, Bilgəh qəsəbəsində yerləşən Müharibə və Əmək Əlilləri üçün Pansionatının rəhbərliyinin bu yarıtmaz fəaliyyəti ucbatından nə dövlət vəsaiti, nə də ayrılan yardımlar tamlığı ilə ahıllara çatdırılır. Bir çox hallarda qocalar yarıac vəziyyətdə əziyyət çəkərkən, bu müəssisənin rəhbərliyi fantastik var-dövlət sahibinə çevrilib. Direktor Qətibə Əsədova əvvəllər Şağan qəsəbəsindəki əqli cəhətdən zəif uşaqlar üçün 3 saylı internatda direktor işləyib. Sonradan Saray qəsəbəsində yerləşən 7 saylı internata təyinat alıb. Müharibə və Əmək Əlilləri üçün Pansionatının üç mühafizəçisinə ümumilikdə 4600 manat məvacib ayrılıb. Reallıqda həmin mühafizəçilərin hər biri cəmi 300 manat alır ki, bu da toplandıqda 900 manat edir. Yerdə qalan pul isə direktor və onun əlaltısı tərəfindən mənimsənilir.
BOLGEXEBER.COM
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]