“Müəllimlər İnstitutunun bütün filialları bağlanmalıdır”-ekspert
25-07-2015, 15:04
Oxunub: 3 307
Ətrafında xoşagəlməz söz-söhbətlər dolaşan Müəllimlər İnstitutunun bundan öncə də Gəncə filialı bağlanıb
Ötən gün prezident İlham Əliyevin qərarı Azərbaycan Müəllimlər İnstitutunun Mingəçevir, Salyan və Sumqayıt filialları ləğv edilib.
Ətrafında xoşagəlməz söz-söhbətlər dolaşan Müəllimlər İnstitutunun bundan öncə də Gəncə filialı bağlanıb.
Hətta institutun fəaliyyətinin lazımsız olduğunu hesab edən ekspertlər təhsil müəssisəsinin tamamilə bağlanmasının vacib olduğunu hesab edirlər.
Təhsil üzrə ekspert Etibar Əliyev azvision.az-a bildirib ki, Müəllimlər İnstitutunun bəzi filiallarının da bağlanması gözlənilir.
Onun sözlərinə görə, yerdə qalan filialları da bağlamaqla Bakıda yerləşən Azərbaycan Müəllimlər İnstitutunun bazasını genişləndirmək lazımdır: “Filiallar son illərdə kadr hazırlığında effekt vermirdilər. Məqsəd odur ki, filiallar bağlansın və Azərbaycan Müəllimlər İnstitutunun əsas bazası güclənsin. Düşünürəm ki, belə olsa güclənəcək və yaxşı kadr potensialı da formalaşdırıla bilinəcək. Çünki Azərbaycan Müəllimlər İnstitutu ölkə məktəblərinə pedaqoji kadrların təminatı ilə bağlı xüsusi rol oynayır. Lakin filialların fəaliyyətində çoxsaylı qüsurlar müşahidə olunurdu”.
Ekspertin fikrincə, Azərbaycan Müəllimlər İnstitutunun rektoru, deputat Aqiyə Naxçıvanlının özünə də maraqlı idi ki, həmin filiallar bağlansın.
“Çünki çıxışlarında, müsahibələrində bəlli olurdu ki, Azərbaycan Müəllimlər İnstitutunun əsas korpusu həmin filialların bağlanmasında maraqlıdır. Əslində o filiallar yaradıldıqda professor, müəllim heyəti normal formalaşa bilməmişdi. Azərbaycan Müəllimlər İnstitutunun bir neçə filialında çox ciddi korrupsiya faktları aşkar olunmuşdu. Ona görə də həmin filialların ləğv olunması doğrudur. Bununlada pedoqoji kadrların hazırlığı istiqamətində Azərbaycan Müəllimlər İnstitutunun məsuliyyəti öz üzərinə götürməsinə səbəb olacaq
Düşünürəm ki, bu filialların ləğvi Azərbaycan Müəllimlər İnstitutunun üzərinə böyük bir məsuliyyət qoyacaq və normal kadr hazırlığı həyata keçirəcəkdir”.
E.Əliyev bildirib ki, Mingəçevir Dövlət Universitetinin yaradılması bağlanan üç filialın konpensasiyası kimi başa düşülməli deyil: “Mingəçevirdə Texniki Universitet var idi, çox kiçik istiqamətlərdə mütəxəssis hazırlığı həyata keçirilirdi. Əslində onun profili genişləndirildi və həmin bölgə üçün bu universitetin yaradılması müsbət hal kimi qiymətləndirilməlidir”.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 27-04-2024, 18:58 : Bakı metrosunda ölüm baş verib
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər