Bizimlə əlaqə | Reklam
BolgeXeber.Com » Analitika » Edvard Nalbandyan: "Ermənistan Azərbaycanla danışıqlarda qərarlıdır"

Edvard Nalbandyan: "Ermənistan Azərbaycanla danışıqlarda qərarlıdır"

5-11-2012, 22:10
Oxunub: 6 809 Ermənistan xarici işlər naziri Edvard Nalbandyan azərbaycanlı həmkarı Elmar Məmmədyarovla Paris görüşünün məqsədləri barədə danışıb.

Bolgexeber.com-un Ermənistan KİV-nə istinadən verdiyi xəbərə görə, Nalbandyan görüşün məqsədinin Azərbaycanı konstruktiv danışıqlar yoluna qaytarmaq olduğunu deyib.

Erməni nazir görüşün ATƏT-in Minsk qrupunun həmsədrləri tərəfindən təşkil edildiyini xatırladıb və bildirib ki, Azərbaycan bu görüşə qədər Dağlıq Qarabağ münaqişəsinin nizama salınması istiqamətindəki bütün təklifləri rədd edib.

Nalbandyan bildirib ki, Ramil Səfərovun ekstradisiyası danışıqlar prosesinə zərbə vursa da Ermənistan bir neçə gün sonra danışıqların davam etdirilməsində qərarlı olduğunu açıqlayıb: “Əgər tərəflərdən birinin danışıqları davam etdirmək niyyəti yoxdursa, bu tərəf ancaq Azərbaycandır: Məhz bu səbəbdən də həmsədrlər yeni görüşü təşkil etdilər”.

Onun sözlərinə görə, son iki ayda beynəlxalq ictimaiyyətin mövqeyində bəzi dəyişikliklər var: “Elə bir ölkə, struktur yoxdur ki, bu addımla bağlı öz narahatlığını ən ciddi şəkildə ifadə etməsin. Dəyişməyən tək bir şey var, Ermənistan və həmsədrlərin danışıqlar prosesini davam etdirmək və Azərbaycanı Dağlıq Qarabağ münaqişəsinin sülh yolu ilə nizama salınmasına təhrik etmək” .
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]