BolgeXeber.Com » Analitika » Rusiyalı siyasi texnoloqdan sensasion proqnoz

Rusiyalı siyasi texnoloqdan sensasion proqnoz

20-03-2013, 10:45

Oxunub: 4 990

Tanınmış siyasi texnoloq və politoq, Rusiya Prezident Administrasiyasının xarici ölkələrlə regionlararası və mədəni əlaqələr üzrə keçmiş idarə rəisi Modest Kolerov haqqın.az-a müsahibəsində Azərbaycanda hazırkı siyasi durumu dəyərləndirib. Politoloq həmçinin ölkənin yaxın gələcəyilə bağlı proqnozlarını da açıqlayıb.
Azərbaycanda son vaxtlar intensivləşən etiraz aksiyalarından danışan siyasi texnoloq bildirib ki, ölkədəki belə sosial-siyasi etirazların səbəbləri çoxdan yetişib. Modest Kolerov bu səbəblər arasında hakimiyyətdaxili qruplar arasındakı mübarizəni də xüsusi qeyd edib: “Hesab edirəm ki, artıq bürokratiya parçalanıb. Hakimiyyətdə təmsil olunanların bəziləri növbəti hakimiyyətin formalaşmasında iştirak etməyə çalışır”.
Rusiyalı politoloq deyir ki, Azərbaycan hakimiyyətinin taleyi Qərbdən asılıdır: “Qərb ən müxtəlif ssenarilərlə bağlı özünün təsir rıçaqlarını hazırlayır”.
Rusiya və Azərbaycan arasındakı münasibətlərin soyuq olmasına gəlincə, Modest Kolerov bildirib ki, əlaqələr Ilham Əliyevin görmək istədiyi səviyyədədir: “Qəti əminəm ki, bu münasibətlər 90 faiz Bakıda formalaşır”.
Siyasi texnoloq “Milyarderlər Ittifaqı”nın fəaliyyətilə bağlı sualı cavablandırarkən deyib ki, bu qurum artıq özünün siyasi rolunu oynayıb: “Bu təşkilat müntəzəm və sistemli iş apara bilməyəcək. Düşünmürəm ki, heç bunu istəyir də...”
Müsahibəsinin sonunda isə Modest Kolerov yaxın gələcəkdə Azərbaycanın indiki iqtidarının aqibətilə bağlı kifayət qədər bədbin proqnozlar verib: “Bu hakimiyyət əgər Qərbin maraqlarına tam cavab verə bilsə, bir müddət qalacaq. Amma mənim heç bir şübhəm yoxdur ki, Azərbaycan hakimiyyəti Mübarəkin taleyini yaşayacaq”.

Çox Oxunanlar