Bizimlə əlaqə | Reklam
BolgeXeber.Com » Analitika » Nazir oğluna dair daha bir sensasion məlumat

Nazir oğluna dair daha bir sensasion məlumat

17-07-2013, 11:35
Oxunub: 5 941 Onun mühafizəçisini güllələyiblər, özü isə 40 milyona Bodrumda ada alıb.

Bu barədə Türkiyədə çıxan "Hürriyet" qəzeti yazıb.

Türkiyədə çıxa "Hürriyet" qəzetində Azərbaycanla, konkret olaraq nəqliyyat naziri Ziya Məmmədovun oğlu Anar Məmmədovun türkiyəli mühafizəçisinin həyatı ilə bağlı sensasion məlumat dərc olunub.

Məqalədə bildirilir ki, nəqliyyat naziri Ziya Məmmədovun oğlu Anar Mammadovun sürətli zənginləşməsindən sonra onun mühafizəçilərinin sayı artıb və onlardan biri də Türkiyə vətəndaşı İsmayıl Gənc olub.

Qəzet yazır ki, İsmayıl Gənc azərbaycanlı mühafizəçilərlə dalaşırmış: "Üç həftə əvvəl meydana gələn qovğada bu dəfə silahlar danışdı. İsmayıl Gənc, azərbaycanlı qorumaların silahlarından çıxan güllələrlə ağır yaralandı və Bakıdakı bir xəstəxanada müalicə altına alındı. Ancaq təzyiq altındakı Azərbaycan mediası bu hadisəni xəbər edə bilmədi. Türkiyə vətəndaşı İsmayıl Gənçin aqibəti də bilinmir. Gənçin ailəsi Bakıdakı TC səfirliyinə müraciət edərək oğullarının aqibətini öyrənməyə çalışdılar, amma nəticə ala bilmədilər. Onlar xarici işlər naziri Əhməd Davudoğluna çıxmağa çalışdılar, amma müvəffəqi ola bilmədilər. Ailəsin İsmayıl Gəncin yaşayıb-yaşamadığını, öldüsə cəsədinin harada olduğunu bilmək istəyir".

Qəzet daha sonra yazır: "Bu arada nazir oğlu Anar Məmmədovun iki həftə "Çırağan" sarayında milyon dollarlıq bir ad günü ziyafəti verdiyi və Bodrum yaxınlarında 40 milyon dollar dəyərində bir adanı satın aldığı danışılır. Atası Azərbaycanda nəqliyyat naziri olduğunda sıravi bir universitet tələbəsi olan Anar Məmmədovun qısa müddətdə əldə etdiyi sərvət və parıltılı həyatı Azərbaycan xalqının bir nömrəli söz-söhbət vəsaiti halına gəldi".

Qeyd edək ki, bu hadisə barədə Azərbaycan mətbuatının xəbər yaymamsı heç də mediaya təzyiqə görə deyil, sadəcə informasiya ictimaiyyətdən və mətbuatdan ustalıqla gizlədilib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]