Bizimlə əlaqə | Reklam
BolgeXeber.Com » Analitika » Deputatın nəzarətində olan xəbər portalı ondan alındı

Deputatın nəzarətində olan xəbər portalı ondan alındı

26-07-2013, 11:05
Oxunub: 5 439 Son zamanlar aktivləşən və hətta media sahəsinə belə nüfuz etməyə hazırlaşan deputat Adil Əliyev cəzalandırılıb. Bu şok məlumatı bilgili qaynaqlar ötürüb.

Xatırladaq ki, Adil Əliyev və qardaşı, Bakı şəhər Baş Polis İdarəsinin sabiq rəisi, Azərbaycanın Tacikistandakı keçmiş səfiri, hazırda Prezident Administrasiyasında yeni vəzifəsində belə qərar tuta bilməən Məhərrəm Əliyev yenicə olaraq siyasi piyasada görünməyə başlamışdılar və hətta Adil Əliyev bir neçə xəbər portalını belə maliyyələşdirirdi.

Amma onun bu işdə naşı olması özünü çox keçmədi ki, biruzə verdi. Belə ki, Adil Əliyevin sifarişi ilə hakimiyyətiçi intriqalara daha çox meyil göstərilməsi və eyni zamanda iqtidarın nüfuzlu simalarının belə hədəfə alınması son nəticədə deputatın bu biznesdən kənarda qoyulması ilə nəticələndi.

dia.az bildirir ki, əslində Adil Əliyev bu işdən qazanclı çıxmayıb: «Ona bu neçə ayda pul xərclətdilər və artıq onun saytı kimi tanınan xəbər portalı Prezident Administrasiyasının şöbə müdiri Əli Həsənova həvalə edilib. Yəni bundan sonra portal Əli Həsənovun kurasiyasında olacaq. Elə təsadüfi deyil ki, portalın redaksiyası da Əli Həsənovun məkanına köçüb».

Mənbə bildirir ki, əslində bu qərar Adil Əliyevin cəzalandırılması kimi qəbul olunmalıdır: «Bunun Məhərrəm Əliyevlə bağlı məqamlara da təsirsiz ötüşməyəcəyi faktdır».
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]