Bizimlə əlaqə | Reklam
BolgeXeber.Com » Analitika » Nəqliyyat naziri Abbas Abbasovun yerinə gətirilir

Nəqliyyat naziri Abbas Abbasovun yerinə gətirilir

2-08-2013, 16:00
Oxunub: 6 786 O, baş nazirin müavini kimi nəqliyyat sahəsini və Rusiya ilə əlaqələri kurasiya edəcək
Nəqliyyat naziri Ziya Məmmədov baş nazirin keçmiş müavini Abbas Abbasovun yerinə gətirilir. Bu barədə “Azadlıq”a daxil olan məlumatda iddia edilir ki, nəqliyyat naziri ilə bağlı yeni təyinat yaxın günlərdə baş tuta bilər. Ziya Məmmədov baş nazirin müavini kimi nəqliyyat sahəsini və Rusiya ilə əlaqələri kurasiya edəcək.
Nəqliyyat naziri postuna kimin təyin ediləcəyinə gəlincə, bildirilir ki, Ziya Məmmədovun müavini Musa Pənahov və “Azəryolservis”in rəhbəri Cavid Qurbanov arasında seçim ediləcək. Nazir postuna məhz bu iki şəxsdən birinin gətriləcəyi bildirilir.
Ziya Məmmədovla bağlı yeni təyinat hakimiyyətdə birmənalı qarşılanmayıb. Nəqliyyat nazirinin rəqibləri, xüsusilə fövqəladə hallar naziri Kəmaləddin Heydərov və Prezident Administrasiyasının rəhbəri Ramiz Mehdiyev ciddi narahat olub. Bildirilir ki, onlar bu təyinatı Ziya Məmmədovun baş nazir postuna gətirilməsinə hazırlıq kimi dəyərləndirirlər.
Yeri gəlmişkən, Ziya Məmmədov baş nazir postu uğurunda mübarizə aparan məmurlardan biridir. Kəmaləddin Heydərov da bu posta iddialıdır. Onun narahatçılığı baş nazir vəzifəsinin əldən çıxacağı ilə bağlıdır. Ramiz Mehdiyevin narahatçılığının kökündə isə Ziya Məmmədovun Paşayevlərə yaxın olması dayanır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]