BolgeXeber.Com » Analitika » Avtonəqliyyat Gömrük İdarəsində qiymətləri özbaşına qaldırıblar

Avtonəqliyyat Gömrük İdarəsində qiymətləri özbaşına qaldırıblar

14-08-2013, 12:25

Oxunub: 6 204

Rəis İsmayıl Hüseynov seçkiləri maliyyələşdirəcəyi barədə xəbər yaydırıb

Dövlət Gömrük Komitəsinin Avtonəqliyyat Gömrük İdarəsi xaricdən gətirilən avtomobillərə görə aldığı rüşvətin miqdarını artırıb. Daxil olan məlumata görə, son 2 gündə idarənin rəisi İsmayıl Hüseynovun şəxsi göstərişinə əsasən indiyə qədər ilindən asılı olmayaraq, avtomobillərdən alınan gömrük rüsumları 15 faiz bahalaşdırılıb.

Məlumatlı mənbənin bildirdiyinə görə, ötən Avtonəqliyyat Gömrük İdarəsində olarkən bunu ona deyiblər və xaricdən gətirdiyi avtomobilə görə, ondan 1500 manat artıq pul alınıb. «Mənə dedilər ki, İsmayıl müəllimin qəti tapşırığı var ki, seçkilər başa çatana qədər qiymətləri ən azı 15 faiz artırmalıyıq».

Jam.az-a danışan mənbə onu da deyib ki, sonradan bunun səbəbini başqa gömrük işçilərindən öyrənib. Onlar deyiblər ki, qarşıdan gələn prezident seçkiləri bir çoxlarının əlində bəhanə vasitəsidir. Elə İsmayıl Hüseynov da bu vəziyyətdən yararlanan məmurlardan biri sayılır. «Gömrük işçilərinin dediyinə görə, İsmayıl Hüseynov hamını başına yığaraq bildirib ki, qarşıdan gələn prezident seçkilərini maliyyələşdirməyi onlara həvalə ediblər. Ona görə də, xaricdən maşın gətirənlərdən heç bir güzəşt olunmadan və tapşırıq eşitmədən daha artıq pul alınmalıdır».

Lakin əksər gömrük işçiləri İsmayıl Hüseynovun bu tapşırığının blef olduğunu bildirir. Onlar deyirlər ki, qiymətlərin yüksək olması səbəbindən daha əvvəlki kimi Azərbaycana xaricdən maşın gətirilmir. Nəticədə, əvvəlki illərdə qazanılan pullar da eyni səviyyədə deyil. «İsmayıl Hüseynov da əvvəllər qazandığı pulları bu şəkildə əldə etməyə çalışır. Və məsələni də siyasi proseslərin və ya seçkinin üzərinə yıxır. Bu adamın pul qazanmaq üçün ağlına gəlməyən fikir yoxdur. Görünür, bu da onlardan biridir».
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]