BolgeXeber.Com » Analitika » İcra başçılarına xüsusi qadağa

İcra başçılarına xüsusi qadağa

20-08-2013, 08:25

Oxunub: 6 548

Onlara rəhbərlik etdikləri rayon və şəhəri tərk etmək qadağan edilib

Prezident seçkisi yaxınlaşdıqca Azərbaycan hakimiyyətinin narahatlığı artır. Ötən saylarımızda məlumat vermişdik ki, Prezident Administrasiyasından məmurlara məzuniyyətə çıxmaq qadağan edilib. Məlumatda bu qadağa prezident seçkisi ilə izah edilirdi. Bu qadağa nazirlərdən tutmuş ən xırda məmurlara aiddir.
Indisə məlumat yayılıb ki, icra başçılarına rəhbərlik etdikləri rayon və şəhərlərdən hətta 1-2 günlüyə kənara çıxmaq qadağan edilib. “Reytinq” qəzetinin yaydığı bu məlumatda deyilir ki, qadağa avqust ayının 1-dən tətbiq edilib. Məlumata görə, onların diqqətinə çatdırılıb ki, rayonu özbaşına tərk edən icra başçıları barəsində ən sərt tədbirlər görüləcək.
Bildirilir ki, müvafiq olaraq bəzi icra başçıları da kənd icra nümayəndələri və bələdiyyə sədrlərinə eyni qadağanı tətbiq etməyə başlayıblar. Əlahiddə hadisə və ya “yuxarılar”ın çağırışı olmayana qədər heç bir vəzifəli şəxs təlimatı poza bilməz. Əks halda, həmin adam dərhal vəzifəsindən uzaqlaşdırılacağı ilə hədələnib.
Məlumatda o da qeyd edilir ki, icra başçılarına bu ilin sonuna kimi rəhbərlik etdikləri rayonlarda kadr dəyişikləri etmək də qadağan olub. Başlıca məqsəd gözlənilən hər hansı narazılığı aradan qaldırmaq və mərkəzi hakimiyyəti əlavə problemlərdən xilas etməkdir. Həmçinin icra başçılarına yerli əhali ilə ünsiyyətdə son dərəcə diqqətli olmaları barədə göstəriş verilib. Quba və Ismayıllı hadisələrinin təkrarlanmasından ehtiyat edən hakimiyyət “kiçik padşahları” və onların ərköyün övladlarını nəzarətə götürməklə özünü gələcək təhlükələrdən qorumaq istəyir.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]