Bizimlə əlaqə | Reklam
BolgeXeber.Com » Analitika » Yol polisi əməkdaşları jurnalistlərə qənim kəsilib

Yol polisi əməkdaşları jurnalistlərə qənim kəsilib

16-09-2013, 15:35
Oxunub: 5 541 Bu gün təxminən saat 12-50 radələrində, Bakıxanov dairəsində "Araz Media" qəzetinin müxbiri, Osmanov Rahim Şirin oğlunun idarə etdiyi ZAZ markalı 90 XA 635 nömrəlı dövlət nömrə nişanlı avtomobili, DYP-nin patrul ekipajı (əməkdaşımız çox narahat olduğu üçün, patrul avtomobilinin nomrəsini yadda saxlamamışdır) olaraq saxlatmış və ona əsassız olaraq, cərimə protokolu tərtib etmişdir. Jurnalist polis inspektorunun bu əməlinin qanunsuz olduğunu bildirmiş və tədbirə gecikəcəyini də nəzərinə çatdırmışdır. Döş nişanı 17-07 olan inspektor İbrahimov Ağamoğlan Firuz oğlu isə jurnalisti bu sözlərlə təhqir etmişdir. "Get nə bilirsən et. Mənim jurnalistlərdən çoxdan zəhləm gedir, mənim haqqımda bir jurnalist o vaxt tənqidi material yazmışdı və mən məhz sənin maşınında press sözü gördüyüm üçün, o jurnalistə olan qəzəbimdən bu protokolu yaziram" demişdir. Faktla bağlı, qəzetin baş redaktoru Fariz Quliyev, DİN-in Mətbuat Xidmətinin rəhbəri Orxan Mansurzadə ilə əlaqə saxlamış və öyrənmək istəmişdir ki, yol polisinin jurnalistə bu qədər kinli olmasının səbəbi nədir? DİN rəsmisi isə yüzlərlə polis əməkdaşına cavabdeh ola bilməyəcəklərini bildirmiş və baş redaktora bu məsələni işıqlandırmağı və prokurorluqa müraciət etməyii məsləhət görmüşdür. Araz Media rəhbərliyi isə bu "məsləhət"-ə əməl edəcəklərini və mütləq Baş Prokurorluğa müraciət edəcəyini bildirmişdir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]