BolgeXeber.Com » Analitika » Bakının Nizami rayonundakı məktəblərdə rüsvayçılıq

Bakının Nizami rayonundakı məktəblərdə rüsvayçılıq

22-09-2013, 09:40

Oxunub: 4 522

Bildiyiniz kimi bütün dərslik kitabları orta məktəblərədə oxuyan şagirdlərə Təhsil Nazirliyi ,yəni dövlət tərəfindən pulsuz paylanılır.

Lakin Qafqaznews.az-ın redaksiyasına daxil olan məlumatdan məlum olur ki,dərslik vəsaitləri sarıdan Nizami rayonundakı orta məktəblərdə rüsvayçılıq baş alıb gedir. Şikayət edən valideyinlərin dediyinə görə sentyabırın 16-da dərslər başlayan kimi onlar dərsliklə bağlı problemlə üzləşiblər. Belə ki, Nizami rayonunda yerləşən orta məktəblərdə aşağı siniflərə gedən şagirdlərin valideyinlərinə bildirilib ki, məktəblərdə kitab yoxdur və həmin kitabları onlar özləri tapıb almalıdırlar. Redaksiyamıza müraciət edən valideyinlər də uşaqlarının kitablarını əldə etmək üçün dükanlara üz tutmağa məcbur olublar.
Belə ki, onlar lazımi ibtidai sinif kitablarını Neftçilər bazarının arxasındakı dükanlardan pul ilə alıblar. Təhsil Nazirliyi tərəfindən çap edilən, arxasında "pulsuzdur" sözü yazılan kitabların pul ilə alınması əlbəttə ki,çox açınacaqlı haldır.

Valideyinlər bundan belə qənaətə gəliblər ki, Nizami rayonundakı orta məktəblərdə kitabların olmamağını bildirən müəllimlər bununla valideyinlərə işarə veriblər ki,həmin kitablar məktəblərə pulsuz verilsə də,onları yalnız ticarət obyektlərindən pulla əldə etmək olar. Valideyinlərin sözlərinə görə satışda ola həmin kitabların qiymətləri 10 manatdan başlayaraq üzü yuxarı qalxır.
Rasimoğlu

Çox Oxunanlar