Bizimlə əlaqə | Reklam
BolgeXeber.Com » Analitika » Novruzəli Orucov Arzu Rəhimovun yerinə gətirilir

Novruzəli Orucov Arzu Rəhimovun yerinə gətirilir

25-09-2013, 10:00
Oxunub: 8 018 Başlayır qızmağa yay gəlməmiş…

Səfərbərlik və Hərbi Xidmətə Çağırış üzrə Dövlət Xidmətinin rəisi Arzu Rəhimovun prezident seçkilərindən dərhal sonra vəzifəsindən azad ediləcəyilə bağlı məlumat verilib. Onu da bildirilir ki, Arzu Rəhimovun yerinə bir zamanlar Könüllü Hərbi Vətənpərvərlik Texniki İdman Cəmiyyətinə rəhbərlik etmiş, hazırda SHÇDX-də rəis müavini postunu tutan general Novruzəli Orucovun təyin ediləcəyi söylənilir.

DİA.AZ-a bu barədə daxil olan son məlumatlardan aydın olur ki, artıq özünü SHÇDX-nin rəisi postunda, Arzu Rəhimovun yerində hiss etməyə başlayın Novruzəli Orucov indidən bir sıra gedişləri ilə diqqətləri özünə cəlb edib.

Məlumatı verən qaynağa görə, Novruzəli Orucov bir neçə rayonun hərbi komissarına «əgər mənimlə işləmək istəyirsinizsə, bəri başdan bunu nəzərə almalısınız» xəbərdarlığını edib. Hər halda bu «xəbərdarlığın» arxasında nələrin dayandığını təxmin etmək o qədər də çətin deyil.

Qeyd edək ki, Arzu Rəhimov məhz ayrı-ayrı hərbi komissarlardan vəzifədə qalmalarının müqabilində pul tələb etməsi səbəbindən hədəfə çevrilib və bu işlə bağlı hətta Arzu Rəhimovun sürücüsünün də qolları qandallanıb.

İndi isə Novruzəli Orucov eyni metodla davranma yolunu tutub, hətta vəzifəyə təyin olunması təsdiqlənməmiş…

Qarşı tərəfi də dinləməyə hazırıq…
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]