BolgeXeber.Com » Analitika » İstintaq düzgün aparılmayıb

İstintaq düzgün aparılmayıb

1-10-2013, 12:00

Oxunub: 3 397

İstintaqın düzgün aparılmaması hamıya gün kimi aydındır. Söhbət həmkarım Vasif Turanın övladlarının faciəli şəkildə ölümündən gedir. Bu hadisənin qəsddən törədildiyini düşünürəm və istərdim ki, hüquq-mühafizə orqanları bu faktı dəqiq araşdırsınlar. Çünki hadisənin detallarından da aydın olur ki, bu elə-belə təsadüfi hadisə deyil. Xüsusi ilə də qanunların icrasına birbaşa nəzarət edən prokurorluq orqanlarına müraciət edərək, azyaşlıların qanının batırılmasına yol verməmələrini xahiş edirəm. Axı biz vətəndaşlar haqsızlıqla qarşılaşanda sizə ümid yeri kimi baxırıq. Siz də insan talelərinə belə biganə yanaşdıqdan sonra, biz daha kimə güvənək? Mən, Vasif Turana dayaq olan bütün insanlara öz dərin təşəkkürümü bildirirəm ki, məhz belə bir ağır günlərində həmkarımızı tək buraxmırlar. Mən də baş redaktoru olduğum "Araz Media" qəzeti vasitəsi ilə, bu cinayət faktının ədalətli araşdırılması istiqamətində, hər zaman Vasif Turana dəstək olacağam.

"Araz Media" qəzetinin baş redaktoru Fariz Quliyev
Bolgexeber.com

Çox Oxunanlar