BolgeXeber.Com » Analitika » Nərimanovun icra başçısı yığıma başladı

Nərimanovun icra başçısı yığıma başladı

7-10-2013, 12:20

Oxunub: 3 888

Rayonun rəhbəri sahibkarlardan təcili pul yığmağa başlayıb, iş adamları həyacan təbili çalırlar

Bakının Nərimanov rayonunda sahibkarlar həyacan təbili çalmağa başlayıblar. Bu barədə jam.az-a bir qrup sahibkar məlumat verib. Onlar bildiriblər ki, son iki gündür İcra Hakimiyyətinin məsul işçiləri onlardan pul tələb edirlər.
Belə ki, bu pulun hansı məqsədlə və niyyətlə alındığı barədə heç bir bilgi verilmir. Hər bir sahibkarın yanına gələn İcra Hakimiyyətinin işçiləri həmin pulun icra başçısı tərəfindən verilməsinin tələb olunduğunu deyirlər. Üstəlik, bu tapşırığı yerinə yetirməyənləri cəzalandıracaqları ilə hədələyirlər.
Nərimanov rayonu ərazisində fəaliyyət göstərən sahibkarlar nə edəcəklərini bilmirlər. Onlardan tələb olunan məbləğin heç kiçik olmadığını deyən iş adamları vurğulayırlar ki, bu qədər pulu vermək gücləri də yoxdur. Eyni zamanda, evlərinə bir tikə çörək aparmaq üçün yaratdıqları iş yerlərinin bağlanmasından da narahatdırlar. Bu problemin birdəfəlik həll olunması üçün isə nə edəcəklərini bilmirlər.

Çox Oxunanlar