Bizimlə əlaqə | Reklam
BolgeXeber.Com » Analitika » Sahibkarlar vergilər nazirinin istefasını tələb etdi: zamanı yetişib

Sahibkarlar vergilər nazirinin istefasını tələb etdi: zamanı yetişib

14-10-2013, 16:55
Oxunub: 5 812 Prezident seçkilərindən sonra hansı nazirin gedəcəyi, hansının postunda saxlanılacağı kimi bir dönəmin ciddi şəkildə müzakirə olunduğu bir ərəfədə Bakıda fəaliyyətdə olan bir qrup sahibkar Vergilər Naziri Fazil Məmmədovun istefasını tələb ediblər. Bu barədə dia.az-a daxil olun müraciət-məktubda bildirilir ki, Fazil Məmmədovun seçkilərə iki gün qalmış yürütdüyü siyasət birbaşa olaraq hakimiyyətin mövqelərinə zərbədir və prezidentə qarşı təxribat kimi dəyərləndirilməlidir.

Sahibkarlar yazır: «Prezident seçkiləri ərəfəsində dövlət başçısı İlham Əliyev məhz xalqın sosial rifah halının yüksəldilməsi məqsədilə bir sıra addımlar atdı. Əməkhaqqılar qalxdı, pensiyaların miqdarı artırıldı. Amma deyəsən, prezidentin bu siyasətinə qarşı gedənlər də var və onlardan biri də Vergilər Naziri Fazil Məmmədovdur».

Sahibkarlar bildirir ki, seçkilərə iki gün qalmış, yəni 7 oktyabr tarixində Bakıda fəaliyyət göstərən əksər obyekt sahiblərinə Vergilər Nazirliyi yanında Vergi Auditi Departamentinə dəvət daxil oldu. Departamentdə sahibkarlara bildirilib ki, bu gündən etibarən hər kvartalda yığılan qanunsuz ödəmənin (rüşvətin) miqdarı artırılıb.

Məsələn, əgər bir sahibkar kvartalda 600 manat ödəyirdisə, artıq bu rəqəm 2100 manata qədər qaldırılıb. Yəni eyni sistemlə bütün obyekt sahibkarlarına Vergilər Nazirliyinin audit kronemetrajı tərəfindən bahalaşma xəbərdarlığı edilib».

Sahibkarlar bildirir ki, Vergilər Nazirliyinin bu addımı təbii ki, qiymət artımına, bahalaşmaya səbəb olacaq: «Sahibkar da məcburdur ki, dükanında satdığı məhsulun qiymətini artırsın. Bu, hər zaman belə olub. Və bunu hər kəs yaxşı bilir. Xüsusən də illərdir Vergilər Naziri rəhbəri vəzifəsini tutan Fazil Məmmədov.

Deməli, Fazil Məmmədov bunu billə-bilə edib. Və belədirsə, o zaman seçkiyə iki gün qalmış sahibkarların bu şəkildə xəbərdar edilməsi birbaşa olaraq prezident İlham Əliyevə qarşı atılan addım kimi dəyərləndirilməlidir. Və biz sahibkarlar Fazil Məmmədovun istefasını tələb edirik».

Qarşı tərəfin də mövqeyini dinləməyə hazırıq…
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]