BolgeXeber.Com » Analitika » “Elşad Fransız şərabından içib kefi yaxşı olanda...”

“Elşad Fransız şərabından içib kefi yaxşı olanda...”

21-10-2013, 16:05

Oxunub: 3 408

Bu gün sabiq millət vəkili Gülər Əhmədovanın işi üzrə keçirilən hazırlıq iclasında Elşad Abdullayevin məhkəməyə ünvanlanmış məktubu elan olunub.

“Qafqazinfo” xəbər verir ki, məktubda E. Abdullayev məhkəmədən zərərçəkmiş kimi tanınması və ona dəyən 1 milyon manat ziyanın ödənilməsinin təmin olunması istənilib. Lakin prokuror bildirib ki, bu məsələlər əsassız olduğu üçün təmin oluna bilməz. G. Əhmədova isə məktuba görə E. Abdullayevin məktubuna maraqlı reaksiya verib:

“Mənə endirim edib, 2 milyondan 1 milyona düşüb. Fransız şərabından içib kefi yaxşı olanda, belə endirimlər edir. Onun fikirləri absurddur. Sizi inandırıram ki, o, bura gəlsə deyəcək ki, pul söhbətini elə-belə atmışdım ortaya görək kim özünü necə aparacaq?”

Qeyd edək ki, məhkəməni aparan hakim Əlisultan Osmanov bildirib ki, Gülər Əhmədova barəsində həbs qətiimkan tədbiri saxlanılaraq prosesə baxış iclası oktyabrın 28-nə saat 10:30-a təyin olunsun.

Çox Oxunanlar