Bizimlə əlaqə | Reklam
BolgeXeber.Com » Ölkə » Gülər Əhmədova Həccə getməyə hazırlaşır

Gülər Əhmədova Həccə getməyə hazırlaşır

21-02-2015, 17:31
Oxunub: 8 502 Gülər Əhmədova Həccə getməyə hazırlaşır“Hazırda həyatda ən böyük arzum Həcc ziyarətinə getməkdir”

BOLGEXEBER.COM xəbər verir ki, bunu “a24.az”a Azərbaycan Beynəlxalq Universitetinin keçmiş rektoru Elşad Abdullayevin yaydığı videoların yaratdığı rüşvət qalmaqalından sonra həbs olunmuş eks-deputat, hazırda şərti azadlıqda olan Gülər Əhmədova deyib.

O vurğulayıb ki, qismət olsa, bu il Həcc ziyarətinə gedəcək: “İnşallah, bu, Allahın qismətidir və ziyarət mənə nəsib olsa, Həccə gedəcəm”.

“2014-cü ildə 3 il sınaq müddəti təyin olunmaqla şərti cəza ilə azadlığa buraxılmısınız və bu müddət başa çatmamış ölkədən çıxa bilərsinizmi” sualımıza cavab olaraq G.Əhmədova deyib: “Əsas odur, icazə verilsin və bununla bağlı danışıq aparırıq. İcazə verilsə, inşallah, bu il Həccə gedəcəm. Hazırda ən böyük arzum Həcc ziyarətinə getməkdir”.

Xatırladaq ki, fəaliyyəti dayandırılmış Azərbaycan Beynəlxalq Universitetinin (ABU) sabiq rektoru Elşad Abdullayevin 2012-ci ilin sentyabrında yaydığı videodan sonra Gülər Əhmədova deputat mandatından imtina edib və həmin ilin fevral ayında həbs edilib. O, 2014-cü ilin may ayının 5-də Bakı Apellyasiya Məhkəməsinin qərarı ilə 3 il sınaq müddəti təyin olunmaqla şərti cəza təyin edilməklə azadlığa buraxılıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]