BolgeXeber.Com » Ölkə » Şəkidə sakinləri bayramda məcburi sahibkarın meyvə bağında işlədirlər

Şəkidə sakinləri bayramda məcburi sahibkarın meyvə bağında işlədirlər

22-03-2015, 11:01
Şəkidə sakinləri bayramda məcburi sahibkarın meyvə bağında işlədirlərŞəkinin Verezet kəndi ərazisində təqribən 80 hektar ərazidə meyvə bagı salınır

Yerli sakinlərin musavat.com-a verdiyi məlumata görə, meyvə tingləri Italiyadan getirilib. Və həmin meyvə bagının salınması prosesinə Şəkinin şəhər və kənd məktəblərinin texniki işçiləri, kənd icra nümayəndəliklərinin əməkdaşları, kənd bələdiyyələrinin üzvləri cəlb olunurlar.

Acınacaqlı olan budur ki, yüzlərlə insan bayram günündə təmənnəsız və ac-susuz işlədilir. Müraciət edən insanlar bildirirlər ki, salınan bağ hansısa sahibkara məxsusdur.

Yerli sakinləri narazı salan məqam odur ki, əgər bu meyvə bağı hansısa sahibkara məxsus təsərrüfatdırsa, Şəki Icra Hakimiyyəti yüzlərlə insanı hansı əsasla təmənnasız olaraq, məcburi səkildə, üstəlik, bayram günlərində bu işə cəlb edib?

Yəqin ki, yerli sakinlərin bu haqlı sualına Şəki İcra Hakimiyyətinin səlahiyyətli şəxsləri tutarlı bir izah verə bilərlər.

BOLGEXEBER.COM